Пасенадзі

Пасенадзі (санскр.: Prasenajit) — адзін з уладароў Кашалы. Ён быў выдатным мірскім паслядоўнікам Гаўтамы Буды і пабудаваў для яго мноства манастыроў^[1].

Пасенадзі
Prasenajit
Цар Кашалы 534 BCE — 5 ст. да н.э.
Папярэднік	Санджая Махакасала
Спадчыннік	Вірудхака
Род	Сонечная дынастыя
Бацька	Dhaj the Great[d]
Маці	Sorath[d]
Дзеці	Вірудхака, Vajira[d] і Prince Jeta[d]
Веравызнанне	будызм
Прыналежнасць	Царства Кашала
Медыяфайлы на Вікісховішчы

Біяграфія

Першай жонкай была прынцэса Магадхі, другой — Васабхакхатыя, дачка рабыні і прадстаўніка клана Шак’я Маханамы. Ад гэтага шлюбу ў яго нарадзіліся сын Відудабха і дачка Ваджыра, якая стала жонкай Аджаташатру. Трэцяй і галоўнай жонкай Пасенадзі была Маліка, дачка галоўнага вытворца гірляндаў^[2].

Сын Пасенадзі выпадкова даведаўся аб сваім нізкім паходжанні, наведаўшы сваякоў, і пакляўся адпомсціць ім, паколькі яны падманам аддалі яе ў жонкі Пасенадзі. Каб даказаць, што яна высакароднага паходжання, царскіх ганцоў прымусілі паверыць, што яна ела з аднаго посуда са сваім бацькам, Маханамам^[3].

У Пасенадзі быў генерал Бандхула. Асцерагаючыся здрады, цар забіў генерала і яго сыноў, прызначыўшы генералам пляменніка Бандхулы Дыгха Караяну. Трагічныя падзеі адбыліся неўзабаве пасля сустрэчы Пасенадзі з Будай. Калі Пасенадзі ў наступны раз адправіўся на сустрэчу з Будай, Дыгха Караяна падумаў, што прыйшла яго чарга. Перад тым, як увайсці ў хаціну Буды, Пасенадзі аддаў Дыгху Караяне меч і царскі цюрбан. З царскімі рэгаліямі генерал паспяшаўся ў сталіцу і ўзвёў на трон сына Пасенадзі, Відудабху. Пасенадзі адправіўся ў Магадху, каб папрасіць Аджаташатру дапамагчы яму вярнуць трон. Але, не паспеўшы сустрэцца з ім, Пасенадзі памёр перад варотамі Раджагахі, верагодна, ад непагадзі^[4].