Пасхалій I

Пасхалій I (лац.: Paschalis PP. I), свецкае імя Паскуале Масімі (італ.: Pascuale Massimi; ?, Рым — 11 лютага 824, Рым) — Папа Рымскі з 25 студзеня 817 года па 11 лютага 824 года. Папа паходзіў з Рыма.

Пасхалій I
лац.: Paschalis PP. I
98-ы папа 29 студзеня 817 — 11 лютага 824
Папярэднік	Стэфан IV
Пераемнік	Яўген II
Дзейнасць	каталіцкі святар, пісьменнік, каталіцкі біскуп
Імя пры нараджэнні	Пасхалій Максім
Нараджэнне	каля 775 Рым, Папская вобласць
Смерць	11 лютага 824[1] Рым, Папская вобласць
Медыяфайлы на Вікісховішчы

Біяграфія

Да абрання Папам з’яўляўся абатам манастыра Святога Стэфана ў базіліцы Святога Пятра. Спрабаваў аб’яднаць у сваіх руках свецкую і царкоўную ўлады. Займаў рэзка адмоўную пазіцыю па дачыненні да Людовіка Пабожнага, абвінавачваўся ва ўжыванні катаванняў да прыхільнікаў Людовіка, але сваю віну адмаўляў. Клапаціўся пра місіянерства ў скандынаўскіх краінах.

Прыняў у Рыме грэчаскіх манахаў, уцекачоў ад візантыйскага іканаборства. Дзякуючы ім, застаецца самым вядомым з раннесярэднявечных папаў, бо ён намаляваны на мазаіцы ў апсідзе цэркваў Санта-Праседэ, Санта-Марыя-ін-Домніка і Санта-Чэчылія-ін-Трастэверэ^[2]. Памерлага Папу рымляне не дазволілі пахаваць у базіліцы Святога Пятра.

Зноскі

1. autori vari Enciclopedia dei Papi — 2000.

   <a href='https://wikidata.org/wiki/Track:Q2818964'></a><a href='https://wikidata.org/wiki/Track:Q3725036'></a>
2. John N.D. Kelly, Gran Dizionario Illustrato dei Papi, p. 271