Паўднёвая адміністрацыйная акруга

Паўднёвая адміністрацыйная акруга — адна з 12 акруг горада Масквы, якая размешчана на поўдні Масквы і складаецца з 16 раёнаў.

Паўднёвая адміністрацыйная акруга
Сцяг[d] Герб
Краіна	Расія
Уваходзіць у	Масква
Дата ўтварэння	10 ліпеня 1991
Насельніцтва	▼1 768 752 чал. (2024)[1]
Плошча	131,7729 км²
Афіцыйны сайт (руск.)
Медыяфайлы на Вікісховішчы

Раёны:

• Бірулёва Усходняе
• Бірулёва Заходняе
• Брацеева
• Данілаўскі
• Данскі
• Зяблікава
• Маскварэчча-Сабурава
• Нагаціна-Садоўнікі
• Нагацінскі Затон
• Нагорны
• Арэхава-Барысава Паўночнае
• Арэхава-Барысава Паўднёвае
• Царыцана
• Чартанава Паўночнае
• Чартанава Цэнтральнае
• Чартанава Паўднёвае

Агляд

Паўднёвая акруга займае плошчу 131,177 км² — 12,2 % тэрыторыі Масквы.^[2][3] З поўначы яна абмежавана Ленінскім праспектам, з поўдня — МКАД, з усходу — далінай Масквы-ракі, з захаду — далінай ракі Катлоўкі і масівам Бітцаўскага лесу. У складзе акругі — 16 раёнаў.

У акрузе жыве 1709 тыс. чалавек. Пры гэтым буйныя раёны Арэхава-Барысава Паўднёвае, Бірулёва Усходняе, Чартанава Паўднёвае і іншыя, якія традыцыйна лічаць «спальнымі», суседнічаюць з прамысловымі раёнамі.^[4][5][6]

Прамысловасць на поўдні Масквы з’явілася ў пачатку XVII стагоддзя, а многія прадпрыемствы перасягнулі стогадовую мяжу.^[7][8] Станам на 2024 год, у акрузе дзейнічае 186 прадпрыемстваў і арганізацый навукова-прамысловага комплексу, 16,5 тысяч малых і сярэдніх прадпрыемстваў, на якіх працуе агулам каля 293 тысячы чалавек, а таксама 6 116 прадпрыемстваў спажывецкага рынку.

У Паўднёвай акрузе размешчаны 105 лячэбна-прафілактычных устаноў. У акрузе размешчаны ўстановы адукацыі і культуры (тэатры, музеі, кінаканцэртныя залы, бібліятэкі, выставачныя залы, палацы і дамы культуры, студыі).

Экалагічны стан у акрузе на нізкім узроўні, што абумоўлена буйнымі прамзонамі і інтэнсіўнымі аўтамабільнымі магістралямі.^[9]

Помнікамі прыроды мясцовага значэння кваліфікуецца даліна ракі Гародні, Аршынаўскі парк, сядзіба Загор’е, Шмялёўскі і Царыцынскі ручаі з далінамі.^[10][11]

Па тэрыторыі Паўднёвай акругі ідзе пяць ліній метро — Замаскварэцкая, Серпухаўска-Ціміразеўская, Люблінска-Дзмітраўская, Вялікая кальцавая і Бутаўская.