Паўночныя могілкі (Брэст)

Паўночныя могілкі — гарадскія могілкі, знаходзяцца за 6 км ад г. Брэста, каля хут. Матыкалы, адкрыты ў 2007 годзе.

Паўночныя могілкі?
52°10′54″ пн. ш. 23°37′36″ у. д.HGЯO
Размяшчэнне
Краіна	Беларусь
Вобласць	Брэсцкая вобласць
Раён	Брэсцкі раён
Гісторыя
Дата заснавання	2007

У паняцця ёсць і іншыя значэнні, гл. Паўночныя могілкі.

Праз пяць гадоў пасля адкрыцця могілак тут прайшла цырымонія пахавання парэшткаў яўрэяў, расстраляных на тэрыторыі аднаго з ваенных фартоў Брэсцкай крэпасці. Быў усталяваны памятны знак над пахаваннем рэшткаў 1549 яўрэяў, закатаваных нацыстамі ў гады вайны.

22 мая 2019 года тут перапахавалі парэшткі 1214 вязняў Брэсцкага гета. Удзел у жалобнай цырымоніі ўзялі кіраўніцтва горада, прадстаўнікі дыпламатычных місій Германіі, Польшчы, Расіі, ЗША, Украіны, Чэхіі і іншых краін, члены яўрэйскіх грамадскіх аб’яднанняў і іудзейскіх рэлігійных грамад Ізраіля і Беларусі і іншыя^[1][2].

Вядомыя асобы, пахаваныя на могілках

• Яўген Аляксандравіч Бяласін (1954—2022) — беларускі германіст, перакладчык, журналіст.
• Пётр Аляксеевіч Данелія (1920—2012) — беларускі мастак.

Зноскі

1. b-g.by
2. nashaniva.by