Паўночны рачны вакзал

Паўночны рачны вакзал (руск.: Се́верный речно́й вокза́л) — адзін з двух рачных вакзалаў Масквы (разам з Паўднёвым), раней Хімкінскі рачны вакзал.

Славутасць
Паўночны рачны вакзал
55°51′02″ пн. ш. 37°28′03″ у. д.HGЯO
Краіна	Расія
Месцазнаходжанне	Левабярэжны раён
Архітэктурны стыль	Сталінскі ампір
Дата заснавання	1937
Статус	Аб’ект культурнай спадчыны РФ № 7700546000№ 7700546000
Сайт	severny-rechnoy-vokzal.ru
Медыяфайлы на Вікісховішчы

Галоўны будынак комплексу збудаванняў канала Масква-Волга (цяпер канал імя Масквы). Будынак — узор архітэктурнага напрамку «сталінскі ампір» і помнік архітэктуры рэгіянальнага значэння. Знаходзіцца на тэрыторыі Паўночнай адміністрацыйнай акругі горада Масква, па адрасе: Ленінградская шаша, дом № 51, на беразе Хімкінскага вадасховішча, і акружана вялікім паркам. Вышыня будынка са шпілем 75 метраў, даўжыня па фасадзе 150 метраў, даўжыня шпіля 27 метраў.

Будаўніцтва вакзала пачалося вясной 1933 года, адначасова з працамі над каналам Масква-Волга, і працягвалася чатыры гады і восем месяцаў. У будаўніцтве вакзала, як і пры збудаванні канала, выкарыстоўвалася праца зняволеных Дзмітраўлага.