Пятля Прыхільнасці

«Пятля Прыхільнасці» (руск.: Петля Пристрастия) — беларускі пост-панк-гурт.

Пятля Прыхільнасці
Канцэрт гурта «Пятля Прыхільнасці» ў Кіеве ў 2019 годзе
Асноўная інфармацыя
Жанры	пост-панк і інды-рок
Гады	2004 — дагэтуль
Краіны	Беларусь
Мовы песень	руская і беларуская
Лэйблы	Snegiri-Music[d]
Склад	Ілья Чарапко-Самахвалаў, Цімафей Савіцкі, Ваня Селішчаў, Дзіма Паплаўскі, Аляксей Тарасевіч

Гісторыя

Гурт быў створаны ў 2004 годзе вакалістам Ільёй Чарапко-Самахвалавым і басістам Цімафеем Савіцкім на абломках папярэдняга праекта «Полипы». Паводле словаў І. Чарапко-Самахвалава, назву гурта ён узяў з савецкага антыалкагольнага плаката, які ўбачыў у паліклініцы^[1].

У 2009 годзе выйшаў дэбютны альбом гурта «Всем Доволен», які быў выдадзены маскоўскім лэйблам «Снегири-музыка  (руск.)». Кружэлка атрымала вялікую колькасць станоўчых водгукаў у прэсе, у прыватнасці аглядальнік маскоўскага часопіса «Афиша  (руск.)» Аляксандр Гарбачоў  (руск.) напісаў: «Першы альбом „Всем Доволен“ — найлепшая руская рок-кружэлка года». Аднак усе наступныя альбомы гурт палічыў за лепшае выдаваць сваімі ўласнымі сіламі.

22 лістапада 2020 года ў Мінску падчас «Марша супраць фашызму» быў затрыманы вакаліст і лідар групы Ілья Чарапко-Самахвалаў.

19 траўня 2023 года «Пятля Прыхільнасці» ўпершыню выпусцілі сінгл на беларускай мове. Свой наступны альбом гурт таксама плануе запісваць на беларускай^[2].

Склад

Склад гурта па гадах

Удзельнікі

• Ілья Чарапко-Самахвалаў — вакал, тэкст (2004 — цяперашні час)
• Цімафей Савіцкі — бас-гітара, бэк-вакал (2004 — цяперашні час)
• Ваня Селішчаў — гітара (2007 — цяперашні час)
• Дзіма Паплаўскі — гітара (2008 — цяперашні час)
• Аляксей Тарасевіч — ударныя (2008 — цяперашні час)

Былыя ўдзельнікі

• Дзяніс Тарасенка — гітара
• Саша Прабху — гітара
• Арцём Залескі — ударныя

Дыскаграфія

Студыйныя альбомы

• «Всем Доволен» (7 кастрычніка 2009)
• «Гипнопедия» (8 красавіка 2011)
• «Фобос» (10 красавіка 2013)
• «Мода и облака» (12 красавіка 2016)
• «Гул» (15 лютага 2019)^[3]
• «Не тот человек» (27 кастрычніка 2021)^[4]
• «Суперпазіцыя» (25 кастрычніка 2024)

Сінглы

• «Автоматизм» (30 верасня 2014)
• «Груз» (19 сакавіка 2016)
• «Вечеринка» (11 красавіка 2016)
• «Ты мог бы», кавер-версія песні группы «Кино» (22 чэрвеня 2017)
• «Минотавр» (13 кастрычніка 2017)
• «Цветок» (1 сакавіка 2018)
• «Лучшее завтра» (23 кастрычніка 2018)
• «Зелёный Коридор» (17 кастрычніка 2019)
• «Норма» (1 красавіка 2020)
• «Жыццё як жах» (19 траўня 2023)
• «Квант» (31 траўня 2024)