Петрапаўлаўскі раён (Алтайскі край)

У паняцця ёсць і іншыя значэнні, гл. Петрапаўлаўскі раён.

Петрапаўлаўскі раён (руск.: Петропа́вловский райо́н) — адміністрацыйна-тэрытарыяльнае ўтварэнне (сельскі раён) і муніцыпальнае ўтварэнне (муніцыпальны раён) у Алтайскім краі Расіі. Утвораны 15 студзеня 1944 года з 9 сельсаветаў Быстраістоцкага раёна. 1 лютага 1963 года раён быў скасаваны, 30 снежня 1966 года — адноўлены.

Петрапаўлаўскі раён
Краіна	Расія[1]
Уваходзіць у	Алтайскі край[2]
Адміністрацыйны цэнтр	Петрапаўлаўскае[1]
Дата ўтварэння	1944
Насельніцтва	▼10 571 чал. (2021)[3]
Плошча	1 618 км²
Часавы пояс	OMST[4], UTC+6 і KRAT[4]
Афіцыйны сайт
Медыяфайлы на Вікісховішчы

Адміністрацыйны цэнтр — сяло Петрапаўлаўскае.

Геаграфія

Раён размешчаны на паўднёвым усходзе края. Рэльеф — перадгорная раўніна. Плошча — 1618 км². Здабываюцца жвір, пясок, гліна. Клімат кантынентальны. Сярэдняя тэмпература студзеня −18,2 °C, ліпеня +18,9 °C. Гадавыя нормы атмасферных ападкаў 450 мм. Па тэрыторыі раёна працякаюць рэкі Об, Ануй. Ёсць 4 азёры. Глебы чарназёмныя. Растуць хвоя, бяроза, таполя, асіна, разнатраўе. Фаўна — ліса, заяц, лось, воўк, казуля, сурок, барсук, норка, калонак, андатра.