Пластмасы

Пластмасы (пластычныя масы, таксама — пластыкі) — арганічныя матэрыялы, асновай якіх з’яўляюцца сінтэтычныя або прыродныя вялікамалекульныя злучэння (палімеры). Выключна шырокае прымяненне атрымалі пластмасы на аснове сінтэтычных палімераў^[1]. Пластмасы фармуюць пры павышанай тэмпературы, у той час калі яны маюць высокую пластычнасць. Сыравінай для атрымання палімераў з’яўляецца нафта, прыродны газ, каменны вугаль, сланцы.

Пластмасы
Матэрыял	выкапнёвае паліва і палімер
Медыяфайлы на Вікісховішчы

Ланцужкі малекул поліпрапілена

Назва «пластмасы» азначае, што гэтыя матэрыялы пад дзеяннем награвання і ціску здольныя фарміравацца і захоўваць пасля ахладжэння або ацвярдзення зададзеную форму. Працэс фармавання суправаджаецца пераходам пластычна дэфармаванага (вязкаплыткага) стану ў шклопадобны стан.