Плісіроўка

Плісіроўка або плісэ́ (ад фр.: plissée — «моршчыць», што ад лац.: plicāre — «зморшчына»; індаеўрапейскі корань plek) — дэкаратыўны элемент адзення ў выглядзе дробных, механічна запрасаваных, незастрочаных зморшчын, якія могуць быць як плоскімі (ляжаць), так і выступаючымі гармонікам (гафрэ).

Як правіла, плісіраваныя спадніцы выконваюцца прамымі і расклёшанымі («паўсонца» або «сонца»), нярэдка плісіраваная фальбона  (руск.) выкарыстоўваецца для аздаблення спадніц (па нізе), сукенак або блуз (па рукавах або каўнеру). На выкананне плісіроўкі патрабуецца прыкладна ў тры разы больш матэрыі, чым шырыня закончанага вырабу^[1][2].

Зноскі

1. Плиссировка // Краткая энциклопедия домашнего хозяйства. — М.: Большая советская энциклопедия, 1959. — Т. 2. — С. 468.
2. П. И. Новодережкин. Товары швейные и трикотажные. — Гос. издательство торговой литературы, 1959. — С. 106. — 344 с.