Помнік Уладзіміру Ільічу Леніну (Віцебск)

У паняцця ёсць і іншыя значэнні, гл. Помнік Уладзіміру Ільічу Леніну.

Помнік У. І. Леніну — помнік, знаходзіцца на плошчы імя Леніна, каля будынка абласной філармоніі.

Помнік
Помнік Уладзіміру Ільічу Леніну
Помнік У. І. Леніну каля будынка абласной філармоніі
55°12′08″ пн. ш. 30°12′29″ у. д.HGЯO
Краіна	Беларусь
Месцазнаходжанне	Віцебск
Скульптар	Г. Арапаў і М. Алешчанка
Архітэктар	П. Юрчанка
Дата заснавання	1956
Дата пабудовы	1956 год

Пастаўлены ў 1956 годзе на месцы знішчанага ў гады Вялікай Айчыннай вайны (першы помнік Леніну быў пастаўлены ў горадзе ў 1930 г.). Аўтары — скульптары Г. Арапаў і М. Алешчанка, архітэктар П. Юрчанка. Матэрыялы — бронза і чорны мармур; агульная вышыня помніка 9,6 м, вышыня фігуры 4,4 м.

Скульптурная фігура У. I. Леніна ва ўвесь рост пастаўлена на чатырохгранны пастамент са ступеньчатым стылабатам, які абліцаваны лабрадарытавымі плітамі. У правай сагнутай руцэ кепка, левая выцягнута ўперад: У. I. Ленін выступае з прамовай. Помнік удала ўпісваецца ў архітэктурны ансамбль плошчы.

Літаратура

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Ж000052

• Ленину В. И. памятники // Витебск : энциклопедический справочник / редкол.: И. П. Шамякин [и др.].- Мн., 1988. — С. 220.
• Церашчатава, В. В. Помнік Леніну / В. В. Церашчатава // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мн., 1985. — С. 78—79.

Спасылкі

• Помнік Уладзіміру Ільічу Леніну (Віцебск) на сайце «Архіварта»