Пошукавая аптымізацыя

Пошукавая аптымізацыя (англ.: search engine optimization, SEO) — працэс карэктыроўкі HTML-кода, тэкставага напаўнення (кантэнту), структуры сайта, кантролю знешніх фактараў, якія ўлічваюцца ў алгарытмах сістэм пошуку, з мэтай падняцця пазіцый сайта ў выніках пошуку ў сістэмах пошуку па асобных запытах карыстальнікаў. Чым вышэй пазіцыя сайта ў выніках пошукаў, тым патэнцыйна больш патрэбных карыстальнікаў можа яго наведаць.

Для развіцця інтэрнэт-праекта выкарыстоўваюць метады ўнутранай аптымізацыі і знешняй. Спосаб унутранага ўдасканалення заключаецца ў працы з метатэгамі і ў распрацоўцы схемы сайта. Найважнейшы этап у такім метадзе — дакладна аформіць галоўную старонку вэб-праекта, карту і навігацыйнае меню. Ключавым словам надаюць асаблівую ўвагу, іх выкарыстоўваюць у семантычным ядры, і размяркоўваюць па старонках інтэрнэт-праекта. Пры выкананні знешняй аптымізацыі ставіцца мэта нарошчвання вагі знешніх спасылак на інтэрнэт-праект.^[1]

Пошукавая аптымізація — асноўны інструмент пошукавага маркетынгу.

Метады

Вядучыя пошукавыя сістэмы, такія як Google, Bing, Brave Search і Yahoo!^[2], выкарыстоўваюць пошукавых робатаў для пошуку старонак для сваіх алгарытмічных вынікаў пошуку.^[3][4] Старонкі, на якія вядуць спасылкі з іншых праіндэксаваных пошукавымі сістэмамі старонак, не патрабуюць адпраўкі, бо яны знаходзяцца аўтаматычна. Пошукавыя робаты могуць улічваць шэраг розных фактараў пры сканаванні сайта. Не кожная старонка індэксуецца пошукавымі сістэмамі.^[5][6] Адлегласць старонак ад каранёвага каталога сайта таксама можа ўплываць на тое, ці будуць яны сканавацца.

Павысіць заўважнасць вэб-старонкі ў выніках пошуку можна рознымі метадамі. Перакрыжавальныя спасылкі паміж старонкамі аднаго і таго ж сайта для павелічэння колькасці спасылак на важныя старонкі могуць палепшыць яго бачнасць.^[7] Дызайн старонкі, які выклікае давер карыстальнікаў да сайта і жаданне заставацца на ім.^[8][9][10] Калі карыстальнікі хутка пакідаюць сайт, гэта негатыўна адбіваецца на ім і ўплывае на яго аўтарытэт.

Алгарытмы Google выйшлі за межы простага супастаўлення ключавых слоў, каб разумець семантычныя сувязі і экспертныя веды па тэме. У 2025 годзе атрыманне спасылак з семантычна рэлевантных крыніц у межах вызначаных кластараў кантэнту значна перасягае выпадковае атрыманне спасылак з любога аўтарытэтнага сайта.^[11]

Методы SEO можна падзяліць на дзве асноўныя катэгорыі: метады, рэкамендаваныя пошукавымі сістэмамі («белыя капелюшы»), і метады, якія пошукавыя сістэмы не падтрымліваюць («чорныя капелюшы»).^[12] Пошукавыя сістэмы імкнуцца мінімізаваць эфект апошніх, сярод якіх — спамдэксінг. Эксперты ў галіне класіфікуюць гэтыя метады і спецыялістаў, якія іх прымяняюць, як «белых капелюшоў» і «чорных капелюшоў». «Белыя капелюшы», звычайна, даюць доўгатэрміновыя вынікі, тым часам як «чорныя капелюшы» значаць, што іх сайты могуць быць урэшце заблакаваны часова або назаўсёды, як толькі пошукавыя сістэмы выявяць іх дзеянні.

Метад SEO лічыцца «белым», калі ён адпавядае рэкамендацыям пошукавых сістэм і не змяшчае падману. Аднак, рэкамендацыі пошукавых сістэм не напісаны як збор правіл або парад. «Белае» SEO — не проста выкананне рэкамендацый, а забеспячэнне таго, каб кантэнт, індэксаваны пошукавай сістэмай і пазней ранжыраваны ёю, быў тым самым кантэнтам, які ўбачыць карыстальнік. Парады па «беламу» SEO звычайна зводзяцца да стварэння кантэнту для карыстальнікаў, а не для пошукавых сістэм, і наступнага забеспячэння лёгкага доступу да гэтага кантэнту для анлайн-алгарытмаў, а не да спроб падмануць алгарытм пра меркаванае прызначэння кантэнту. «Белае» SEO параўноўваюць з вэб-распрацоўкай, якая спрыяе даступнасці^[13], хаця гэтыя два паняцці не ідэнтычныя.

«Чорны» SEO імкнецца палепшыць рэйтынгі спосабамі, якія не падтрымліваюцца пошукавымі сістэмамі або ўключаюць падман. Адзін з метадаў «чорных капелюшоў» выкарыстоўвае схаваны тэкст, як тэкст, пафарбаваны ў колер фону, у нябачным div або размешчаны па-за межамі экрана. Іншы метад выдае іншую старонку ў залежнасці ад таго, запытваецца старонка чалавекам ці пошукавай сістэмай, метад вядомы як маскіроўка. Яшчэ адна катэгорыя, якую часам выкарыстоўваюць, — «шэрыя капелюшы» SEO.