Прадбачанне памылкі

Прадбачанне памылкі (англ.: error guessing) — метад у тэставанні праграмнага забеспячэння, у якім тэст кейсы (тэставыя выпадкі) выкарыстоўваюцца для пошуку памылак у праграмах, зыходзячы з вопыту папярэдняга тэставання^[1]. Камплект тэстаў фармуецца праз уплыў мінулага досведу тэстэра. Ягоны вопыт і інтуіцыя вызначаюць, якія сітуацыі звычайна выклікаюць збой праграмнага забеспячэння, ці могуць прывесці да памылак^[2]. Тыповыя памылкі ўключаюць дзяленне на нуль, нулявыя паказальнікі, або недапушчальныя параметры.

Прадбачанне памылкі не мае відавочных правілаў для тэставання; тэсты могуць быць распрацаваны ў залежнасці ад сітуацыі, альбо абапіраючыся на функцыянальныя дакументы або калі нечаканая / недакументаваная памылка знойдзена падчас тэставання^[1].