Праспект Ветэранаў (Санкт-Пецярбург)

Праспект Ветэранаў — адзін з найбуйнейшых праспектаў у Кіраўскім і Краснасельскім раёнах Санкт-Пецярбурга. Абмежаваны з аднаго боку вуліцай Зіны Партновай і вуліцай Падводніка Кузьміна, з другога — праспектам Будзённага.

Праспект Ветэранаў Санкт-Пецярбург
Агульная інфармацыя
Краіна	Расія
Горад	Санкт-Пецярбург
Працягласць	7 800 ± 1 м
Назва ў гонар	ветэран
Медыяфайлы на Вікісховішчы

Гісторыя

У пачатку 1960-х гадоў пачалася пракладка магістралі, якая павінна была ісці паралельна праспекту Стачак, злучаючы Дачнае, Урыцк і Сасновую Паляну. У праектнай дакументацыі яна праходзіла як Сярэдняя вуліца. 16 студзеня 1964 года праектная Сярэдняя вуліца атрымала афіцыйную назву — праспект Ветэранаў. Назва праспекту дадзена ў гонар удзельнікаў Вялікай Айчыннай вайны 1941—1945 гадоў. У 1971 годзе ў склад праспекта ўвайшоў Манетны завулак, які праходзіў у Сасновай Паляне.

У 1977 годзе ля праспекта адкрылася станцыя метрапалітэна з аднайменнай назвай.

28 снежня 2019 года ў Навасергіеве быў адкрыты новы ўчастак праспекта, не звязаны з асноўнай яго часткай — ад праспекта Будзённага да вуліцы Уладзіміра Пчалінцава. 13 лістапада 2020 года стары і новы ўчасткі праспекта былі злучаны ў агульную магістраль. Для іх злучэння быў пабудаваны пераезд цераз службовую чыгуначную лінію. Плануецца далейшае падаўжэнне праспекта на захад.

Літаратура

• Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. ISBN 5-85270-037-1