Пятровіцкі сельсавет (Смалявіцкі раён)

Пятро́віцкі сельсавет — былая адміністрацыйна-тэрытарыяльная адзінка ў складзе Смалявіцкага раёна Мінскай вобласці. Цэнтр — вёска Пятровічы.

Пятровіцкі сельсавет
Краіна	Беларусь
Уваходзіць у	Смалявіцкі раён
Уключае	19 населеных пунктаў
Адміністрацыйны цэнтр	Пятровічы
Дата ўтварэння	20 жніўня 1924
Дата скасавання	16 снежня 2009
Насельніцтва (2009)	1 706
Часавы пояс	UTC+03:00
Код аўтам. нумароў	5

У паняцця ёсць і іншыя значэнні, гл. Пятровіцкі сельсавет.

Утвораны 20 жніўня 1924 года ў складзе Смілавіцкага раёна Мінскай акругі БССР. Пасля скасавання акруговай сістэмы 26 ліпеня 1930 года ў Смілавіцкім раёне БССР. З 8 ліпеня 1931 года ў складзе Смалявіцкага раёна, з 20 лютага 1938 года — Мінскай вобласці. З 25 снежня 1962 года ў складзе Мінскага раёна, з 6 студзеня 1965 года ў складзе адноўленага Смалявіцкага раёна. 13 сакавіка 1975 года скасаваны вёскі Заямнае II і Заямнае III (зліліся з вёскай Заямнае I)^[1]. 10 лютага 1977 года ў склад Драчкаўскага сельсавета перададзены 4 населеныя пункты (вёскі Вялікі Камень, Калюга, Сінія Горы і хутар Дуброва)^[2]. 16 снежня 2009 года сельсавет скасаваны, яго тэрыторыя далучана да Драчкаўскага сельсавета^[3].

Насельніцтва сельсавета паводле перапісу 2009 года — 1706 чалавек^[4], з іх 92,1 % — беларусы, 5,0 % — рускія, 1,3 % — украінцы^[5].

На момант скасавання ў склад сельсавета ўваходзілі 19 населеных пунктаў: вёскі Быкачына, Бярозавая Гара, Волма, Дзяхань, Загор’е, Задвор’е, Зарэчча, Заямнае, Зялёны Лужок, Каліта, Куляшоўка, Лазовы Куст, Лукава, Першамайская, Плюшчай, Пятровічы, Самсонаўка, Узбарогі і Чырвоны Лужок.

Зноскі

1. Рашэнне выканаўчага камітэта Мінскага абласнога Савета дэпутатаў працоўных ад 13 сакавіка 1975 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1975, № 15 (1461).
2. Рашэнне выканкома Мінскага абласнога Савета дэпутатаў працоўных ад 10 лютага 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1977, № 9 (1527).
3. Решение Минского областного Совета депутатов от 16 декабря 2009 г. № 231 Об изменении административно-территориального устройства Минской области Архівавана 10 кастрычніка 2021.
4. Колькасць насельніцтва населеных пунктаў Мінскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года