Пётр Славінскі

У Вікіпедыі ёсць артыкулы пра іншых людзей з прозвішчам Славінскі.

Пётр Славі́нскі (10 ліпеня 1795(1795-07-10), Кены, Віленскае ваяводства — 30 чэрвеня 1881(1881-06-30), Кены, Віленская губерня) — астраном і педагог.

Пётр Славінскі
Дата нараджэння	10 ліпеня 1795(1795-07-10)
Месца нараджэння	Кены, Віленскі павет, Віленскае ваяводства, Вялікае Княства Літоўскае
Дата смерці	30 чэрвеня 1881(1881-06-30) (85 гадоў)
Месца смерці	Кены, Віленскі павет, Віленская губерня, Расійская імперыя
Месца пахавання	могілкі Роса
Грамадзянства	Расійская імперыя
Род дзейнасці	астраном
Навуковая сфера	астраномія
Месца працы	Імператарскі Віленскі ўніверсітэт Віленская астранамічная абсерваторыя
Навуковая ступень	доктар філасофскіх навук
Навуковае званне	прафесар
Альма-матар	Імператарскі Віленскі ўніверсітэт
Навуковы кіраўнік	Ян Снядэцкі
Медыяфайлы на Вікісховішчы

Біяграфія

У 1815 годзе скончыў Віленскі ўніверсітэт, дзе ў 1818—1819 і ў 1823—1832 гг. працаваў, выкладаў філасофію. У 1820—1822 гг. у Парыжы, удасканальваў адукацыю. З 1825 па 1843 г. дырэктар Віленскай астранамічнай абсерваторыі. Працаваў у абсерваторыі Ф. В. Беселя (ням.: Friedrich Wilhelm Bessel)^[1]. Член-карэспандэнт Пецярбургскай АН. Доктар філасофіі (1817), прафесар (1826).

Навуковая дзейнасць

Пётр Славінскі займаўся вывучэннем руху планет, Месяца, астэроідаў, удзельнічаў у правядзенні геадэзічных вымярэнняў у Літве, Беларусі, Курляндыі.

Аўтар падручніка «Асновы тэарэтычнай і практычнай астраноміі» (польск.: «Poczatki Astronomii»; Вільня, 1826).