Пінская вышэйшая духоўная семінарыя

Вышэйшая духоўная семінарыя імя святога Тамаша Аквінскага ў Пінску — вышэйшая каталіцкая спецыяльная навучальная ўстанова для падрыхтоўкі святароў. У 2018 года семінарыя страціла статус міждыяцэзіяльнай і рыхтуе будучых святароў толькі для Пінскай дыяцэзіі^[1].

Пінская вышэйшая духоўная семінарыя
Год заснавання	1925, 2001
Канфесія	Каталіцтва
Сайт	seminaryja.by

Гісторыя

У верасні 1925 года біскуп Зігмунд Лазінскі заснаваў у Пінску вышэйшую духоўную семінарыю ў будынку былога кляштара францысканцаў. Пасля ўз’яднання Беларусі ў верасні 1939 годзе дзейнасць семінарыі ў Пінску была спынена савецкімі ўладамі.

12 верасня 2001 года ў Пінску была адноўлена дзейнасць семінарыі імя святога Тамаша Аквінскага. Дэкрэт апостальскай сталіцы аб адкрыцці семінарыі падпісаў 31 мая 2001 года Папа Рымскі Ян Павел II^[2].

Рэктары

• Вітальд Івіцкі (1925—1926)
• Ян Васілеўскі (1926—1933)
• Караль Няміра (1933—1935)
• Алексій Петрані (1935—1939)
• Казімір Свёнтак (2001—2003)
• Ян Саламон (2003—2015)
• Андрэй Рылка (з 2015)

Вядомыя выпускнікі

• Казімір Свёнтак, царкоўны дзеяч, рымска-каталіцкі кардынал.
• Мечыслаў Багаткевіч, блажэнны Рымска-Каталіцкай Царквы, святар, пакутнік.
• Фабіян Пачобут-Адляніцкі, беларускі каталіцкі святар.

Зноскі

1. Завяршыўся апошні навучальны год у Міждыяцэзіяльнай семінарыі ў Пінску
2. Духоўная семінарыя ў Пінску святкуе паўналецце