Піпа Сантанастаза

Піпа Сантанастаза (італ.: Pippo Santonastaso; нар. 25 мая 1936, Кастэль-Сан-Джавані, Эмілія-Раманья) — італьянскі акцёр.

Піпа Сантанастаза
італ.: Pippo Santonastaso
Род дзейнасці	акцёр, тэлеакцёр
Дата нараджэння	25 мая 1936(1936-05-25) (89 гадоў)
Месца нараджэння	Кастэль-Сан-Джавані, правінцыя П’ячэнца, Эмілія-Раманья, Каралеўства Італія
Грамадзянства	Італія
Сайт	pipposantonastaso.it (італ.)
Медыяфайлы на Вікісховішчы

Дэбютаваў на сцэне як выканаўца камедыйных куплетаў і песенек, у дуэце са сваім малодшым братам Марыа Сантанастаза, які акампаніраваў яму на гітары. Пасля поспеху на рэгіянальным узроўні дуэт быў заўважаны спеваком, акцёрам і рэжысёрам Марчэла Маркезі і запрошаны ў 1970 годзе для першага выступлення на тэлебачанні. У 1970-80-я гг. браты ўвесь час удзельнічалі ў розных тэлепраграмах вядучых італьянскіх каналаў.

У 1976 годзе Піпа Сантанастаза дэбютаваў у кінематографе. Сярод яго роляў, у прыватнасці, ролі следчага ў фільме «Аксамітныя ручкі» (1979), святара ў фільме «Утаймаванне свавольніка» (1980) і банкіра Луіджы Моргана ў фільме «Туз» (1981).