Піянер-1

Піянер-1 (англ.: Pioneer 1) — амерыканскі зонд для даследавання Месяца^[3]. Першы апарат запушчаны пад кіраваннем NASA.

Піянер - 1
Аператар	Нацыянальнае кіраванне ЗША па аэранаўтыцы і даследаванні касмічнай прасторы
Стартавая пляцоўка	SLC-17A[d][1]
Ракета-носьбіт	Thor-Able 1
Запуск	11 кастрычніка 1958
Сход з арбіты	13 кастрычніка 1958[2]
МCOSPAR ID	1958-007A
SCN	00110
Тэхнічныя характарыстыкі
Маса	38.28 кг
Элементы арбіты
Апацэнтр	113 854 км
Медыяфайлы на Вікісховішчы

Запуск ажыццяўляўся пры дапамозе ракеты-носьбіта Тор-Эйбл 11 кастрычніка 1958 года. «Піянер-1» павінен быў выйсці на арбіту Месяца і правесці там даследаванні, у тым ліку атрымаць выяву адваротнага боку Месяца, аднак з-за памылкі навядзення не набраў неабходнай хуткасці і здзейсніў субарбітальны палёт з апагеем 117 тысяч кіламетраў. Нягледзячы на няўдачу, «Піянер-1» цалкам функцыянаваў і 43 гадзіны палёту перадаваў навуковыя дадзеныя аб стане асяроддзя паміж Зямлёй і Месяцам (у тым ліку замеры магнітнага поля).

13 кастрычніка 1958 года астаткі апарата «Піянер-1» упалі недзе ў паўднёвай частцы Ціхага акіяна. Пры гэтым зонд перадаваў даныя аж да ўваходу ў атмасферу Зямлі.