РИА Новости

Расійскае агенцтва міжнароднай інфармацыі «РИА Новости» (бел.: «РІА Навіны») — былая медыягрупа і адно з найбуйнейшых інфармацыйных агенцтваў свету са штаб-кватэрай у Маскве. Галоўнымі прынцыпамі сваёй дзейнасці РІА Навіны называла «аператыўнасць, аб’ектыўнасць, незалежнасць ад палітычнай кан’юнктуры»^[2].

РИА Новости
Краіна	Расія
Tып	бізнес, інтэрнэт-выданне[d], інфармацыйнае агенцтва і прадпрыемства
Уладальнік	Rossiya Segodnya[d][1]
Выдавец	Rossiya Segodnya[d]
Галоўны рэдактар	Маргарыта Сымонаўна Сіманьян[d]
Дата заснавання	24 чэрвеня 1941
Дата зачынення	снежань 2013
Замяніў	Агенцтва друку «Навіны»[d]
Мова	руская
Галоўны офіс	Масква
Вэб-сайт	ria.ru (руск.)

Медыягрупа і агенцтва РІА Навіны былі расфарміраваны Указам Прэзідэнта Расійскай Федэрацыі Уладзіміра Пуціна «Аб некаторых мерах па павышэнні эфектыўнасці дзейнасці дзяржаўных сродкаў масавай інфармацыі»^[3] ад 9 снежня 2013 года. Паводле ўказу, замест ліквідаванага РІА Навіны створана Міжнароднае інфармацыйнае агенцтва «Россия сегодня» (бел.: «Расія сёння»)^[4][5][6].

Апроч аднайменнага агенцтва, у склад РІА Навіны ўваходзіла Расійскае агенцтва прававой і судовай інфармацыі (РАПСІ)^[7], Агенцтва спартыўных навін «Р-Спорт»^[8], Агенцтва эканамічнай інфармацыі «ПРАЙМ»^[9][10], Рэйтынгавае агенцтва «РИА Рейтинг» (бел.: «РІА Рэйтынг»)^[11], Расійскае інфармацыйнае агенцтва навукі і тэхналогій «РИА Наука» (бел.: «РІА Навука»)^[12], Выдавецкі дом «Маскоўскія навіны»^[2], сетка медыяцэнтраў у Расіі і за мяжой, а таксама больш за 40 інтэрнэт-рэсурсаў на 22 мовах з сукупнай аўдыторыяй на момант ліквідацыі звыш 20 млн унікальных наведвальнікаў у месяц^[2].

Галоўны рэдактар РІА Навіны на момант ліквідацыі — Святлана Міранюк^[13], якая кіравала агенцтвам з 2003 года.