Раберту Фірміну

Рабе́рту Фірмі́ну Барбо́за ды Аліве́йра^[3] або Раберта Фірміна (парт.: Roberto Firmino Barbosa de Oliveira; нар. 2 кастрычніка 1991, Масеё, Бразілія) — бразільскі футбаліст, атакуючы паўабаронца саудаўскага клуба «Аль-Ахлі» з Джыды. Ігрок нацыянальнай зборнай Бразіліі (2014—2021).

Раберту Фірміну
Агульная інфармацыя
Поўнае імя	Раберту Фірміну Барбоза ды Алівейра
Нарадзіўся	2 кастрычніка 1991(1991-10-02)[1][2] (33 гады) Масеё, штат Алагоас, Бразілія
Грамадзянства	Бразілія
Рост	181 см
Вага	76 кг
Пазіцыя	атакавалы паўабаронца
Інфармацыя пра клуб
Клуб	Аль-Ахлі
Нумар	9
Маладзёжныя клубы
2004—2008 КРБ 2008—2009 Фігейрэнсі
Клубная кар’ера[* 1]
2009—2011 Фігейрэнсі 38 (8) 2011—2015 Гофенгайм 140 (38) 2015—2023 Ліверпул 256 (82) 2023— Аль-Ахлі
Нацыянальная зборная[* 2]
2014—2021 Бразілія 55 (17)
Узнагароды і медалі
Кубкі Амерыкі Золата Бразілія 2019 Срэбра Бразілія 2021
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 ліпеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 5 ліпеня 2023
Медыяфайлы на Вікісховішчы

Кар’ера

Сваю кар’еру Раберту пачаў у клубе «Фігейрэнсі», дзе яго заўважылі прадстаўнікі нямецкага «Гофенгайма». За нямецкі клуб бразілец дэбютаваў 26 лютага 2011 года ў хатнім паядынку 24-га туру супраць «Майнца», які скончыўся паражэннем з лікам 1:2. Бразілец выйшаў на пляцоўку на 75-й хвіліне, замяніўшы Себасцьяна Рудзі.

У лістападзе 2011 года ігрок быў выключаны з асноўнай каманды клуба^[4], аднак пазней быў вернуты ў склад. 27 сакавіка 2014 года Раберту падпісаў новы трохгадовы кантракт з клубам^[5].

24 чэрвеня 2015 года было афіцыйна абвешчана аб пераходзе Фірміну ў англійскі «Ліверпул». Сума трансферу склала 25 млн еўра, што стала адным з найдаражэйшых пераходаў у гісторыі Бундэслігі^[6].

У сакавіку 2023 года «Ліверпул» абвясціў, што Фірміну пакіне клуб па заканчэнні сезона 2022/23 у якасці свабоднага агента. У ліпені 2023 года нападнік падпісаў трохгадовы кантракт з саудаўскім «Аль-Ахлі».

Дасягненні

«Ліверпул»

• Чэмпіён Англіі: 2020
• Уладальнік Кубка Англіі: 2022
• Уладальнік Кубка Англійскай футбольнай лігі: 2022
• Уладальнік Суперкубка Англіі: 2022
• Пераможца Лігі чэмпіёнаў: 2019
• Уладальнік Суперкубка УЕФА: 2019
• Пераможца клубнага чэмпіянату свету: 2019

Зборная Бразіліі:

• Уладальнік Кубка Амерыкі: 2019