Разгонны блок

Разгонны блок (РБ) (таксама: міжарбітальны буксір) — сродак вываду касмічнага апарата, прызначаны для перамяшчэння карысных грузаў з апорнай арбіты на мэтавую арбіту або накіраванне іх на адлётныя і міжпланетныя траекторыі.

Разгонны блок Цэнтаўр 2A для верхняй ступені РН «Атлас II».

Для выканання гэтага РБ павінны мець магчымасць выконваць адзін ці некалькі манеўраў, звязаных са зменай хуткасці палёту, для чаго ў кожным выпадку прадугледжваецца ўключэнне маршавага рухавіка. Паміж гэтымі ўключэннямі — працяглыя (да некалькіх гадзін) участкі пасіўнага палёту па пераходных арбітах або траекторыях. Такім чынам, любы РБ павінен мець маршавы рухавік шматразовага ўключэння, а таксама дадатковую рэактыўную сістэму або рухальную ўстаноўку, якая забяспечвае арыентацыю і стабілізацыю руху РБ з касмічнага апарата і стварэнне ўмоў для запуску маршавага рухавіка. Пры гэтым кіраванне працай яго рухавікоў можа ажыццяўляцца як ад сістэмы кіравання КА, так і ад аўтаномнай сістэмы кіравання самога РБ. У апошнім выпадку ён павінен мець спецыяльны прыборны адсек для яе размяшчэння.

Зноскі