Раздзелы матэматыкі

Матэматыка за час свайго існавання разгалінавалася на мноства раздзелаў, ці абласцей. Існуюць розныя класіфікацыі абласцей матэматычных ведаў. Як правіла, паміж раздзеламі няма выразных граніц, і даволі часта даследаванні можна аднесці да некалькіх абласцей. Асабліва неадназначная класіфікацыя новых напрамкаў даследаванняў, якія ўзнікаюць на стыку раздзелаў.

Традыцыйна матэматыка падзяляецца на чыстую матэматыку^[en], якая развіваецца з уласных патрэб, і прыкладную, якую можна напрамую прымяніць для рашэння практычных задач. Такое дзяленне не заўсёды адназначнае, і многія напрамкі, якія развіваліся як чыстая матэматыка, пазней знайшлі нечаканыя практычныя прымяненні. Вялікія вобласці, такія як дыскрэтная матэматыка і вылічальная матэматыка, узніклі не так даўно.

Сістэмы класіфікацыі

Для сістэматызацыі матэматычных прац у заходніх краінах выкарыстоўваецца Матэматычная прадметная класіфікацыя^[ru]. У краінах былога СССР для сістэматызацыі ўсіх навуковых работ ужываецца Універсальная дзесятковая класіфікацыя, сістэматычныя коды для матэматычных прац пачынаюцца з 51.

Пералік

У лік раздзелаў матэматыкі ўваходзяць:

• Арыфметыка
• Алгебра
• Геаметрыя
• Трыганаметрыя
• Праекцыйная геаметрыя
• Аналітычная геаметрыя
• Матэматычны аналіз
  • Дыферэнцыяльнае злічэнне
  • Інтэгральнае злічэнне
• Варыяцыйнае злічэнне
• Тэорыя функцый камплекснай зменнай
• Геаметрыя Лабачэўскага
• Функцыянальны аналіз
• Матэматычная логіка
• Тэорыя дыферэнцыяльных ураўненняў
• Тэорыя ўраўненняў матэматычнай фізікі
• Алгебраічная тапалогія
• Тэорыя мностваў
• Тэорыя тапалагічных прастор
• Тэорыя імавернасцей
• Матэматычная статыстыка
• Тэорыя лікаў
• Алгебраічная тэорыя лікаў
• Аналітычная тэорыя лікаў
• Дыяфантавы набліжэнні
• Тэорыя груп
• Тэорыя палёў
• Тэорыя колцаў
• Тэорыя агульных алгебраічных сістэм
• Тэорыя непарыўных груп
• Дыферэнцыяльная геаметрыя
• Алгебраічная геаметрыя
• Рыманава геаметрыя
• Тэорыя функцый рэчаіснай зменнай
• Вылічальная матэматыка
• Тэорыя аўтаматаў
• Тэорыя інфармацыі
• Тэорыя гульняў
• Даследаванне аперацый
• Матэматычная эканоміка
• Тэорыя кіравальных сістэм
• Дыскрэтны аналіз
• Тэорыя аптымальнага кіравання

Спасылкі

• The Divisions of Mathematics Архівавана 15 жніўня 2010.