Ракетны ўдар па Асмэры

Асноўны артыкул: Тыграйскі канфлікт

14 лістапада 2020 года некалькі ракет, выпушчаных з Эфіопіі, уразілі горад Асмэра, сталіцу Эрытрэі. Дзве ракеты трапілі ў Міжнародны аэрапорт^[1].

У той жа дзень урад Эрытрэі пацвердзіў, што ракеты былі выпушчаны па сталіцы, але адмаўляў, што горад быў уражаны, заявіўшы, што яны прызямліліся ў сельскай мясцовасці. Напад быў здзейснены ўсяго праз некалькі гадзін пасля таго, як Народны фронт вызвалення Тыграя (НФВТ) прыгразіў нанесці ўдар па краіне, абвінаваціўшы яе ў падтрымцы цэнтральнага ўрада Эфіопіі ў канфлікце з паўстанцамі Тыграя^[2]. Афіцыйна пра абстрэл было абвешчана раніцай 15 лістапада^[3]. Як перадаў самалійскі навінавы партал Somali Guardian, пасля атакі на Асмэру на мяжы пачаліся баявыя дзеянні з выкарыстаннем цяжкай артылерыі. Па даных журналістаў, з-за інтэнсіўных абстрэлаў жыхары памежных раёнаў Эрытрэі пакідалі свае дамы і шукалі прытулку ў горных пячорах. У той жа час лідары Народнага фронту заявілі, што эрытрэйскія матарызаваныя часці перайшлі мяжу^[4].

Галоўны дыпламат дзярждэпартамента ЗША ў Афрыцы Тыбар Надзь асудзіў напады сіл Тыграя на дзяржаву, назваўшы іх «намаганнямі ў інтэрнацыяналізацыі канфлікту»^[5].

Увечары 27 лістапада сілы НФВТ выпусцілі па меншай меры 4 ракеты па горадзе Асмэра ў Эрытрэі, усе ракеты ўпалі паблізу жылых кварталаў^[6]. Увечары 28 лістапада сілы НФВТ выпусцілі яшчэ па меншай меры 6 ракет па сталіцы^[7].

Зноскі

1. Rockets fired at Eritrean capital from Ethiopia, diplomats say (нявызн.). Reuters (14 лістапада 2020). Праверана 14 November 2020.
2. Missiles hit Eritrean capital, Asmara, after Tigray threatens to attack Eritrea (нявызн.)(недаступная спасылка). Eritrea Hub (14 лістапада 2020). Архівавана з першакрыніцы 19 лістапада 2020. Праверана 14 November 2020.
3. Ракеты, выпущенные из Эфиопии попали в столицу Эритреи
4. СМИ: на границе между Эритреей и штатом Тыграй идут бои Архівавана 17 ліпеня 2021. // Anews, 16 ноября 2020
5. Десять тысяч заключенных пропали без вести в Эфиопии // Tengrinews, 15 ноября 2020
6. Эфиопские повстанцы обстреляли ракетами Эритрею
7. Rockets target in Eritrean capital