Рафал Ляшчынскі (1579—1636)

Рафал Ляшчынскі (польск.: Rafał Leszczyński; кастрычнік 1579, Вялікае Княства Літоўскае — 29 сакавіка 1636) — польскі дзяржаўны дзеяч.

Рафал Ляшчынскі
польск.: Rafał Leszczyński
Вянява
ваявода бэлзскі[d] 1619 — 1636
Папярэднік	Адам Прусіноўскі[d]
Пераемнік	Канстанцін Вішнявецкі[d]
староста дубенскі[d]
староста ўсхоўскі[d] з 1613
кашталян калішскі[d] з 1618
кашталян вісліцкі[d] 1611 — 1618
Пераемнік	Самуіл Лянцкаронскі[d]
староста гарадзельскі[d] 1616 — 1619
староста грубяшоўскі[d] з 1633
Нараджэнне	кастрычнік 1579 Бэлз, Украіна або Вялікае Княства Літоўскае
Смерць	29 сакавіка 1636(1636-03-29)[1] (56 гадоў) Уладава, Уладаўскі павет, Люблінскае ваяводства, Польшча
Род	Ляшчынскія
Бацька	Анджэй Ляшчынскі
Маці	Ганна з Фірлеяў[d]
Жонка	Ганна з Радзімінскіх[d][2]
Дзеці	Анджэй Ляшчынскі[d], Багуслаў Ляшчынскі, Рафал Ляшчынскі і Уладзіслаў Ляшчынскі
Веравызнанне	кальвінізм
Адукацыя	Жэнеўскі ўніверсітэт Падуанскі ўніверсітэт Страсбурскі ўніверсітэт Базельскі ўніверсітэт

У Вікіпедыі ёсць артыкулы пра іншых людзей з прозвішчам Ляшчынскі.

Біяграфія

Паходзіў са шляхецкага роду Ляшчынскіх герба «Вянява». Нарадзіўся ў сям’і Андрэя^[3] і Ганны з Фірлеяў.

Кашталян вісліцкі з 1612 года, калішскі з 1618 года, ваявода белзскі з 1620 года. Удзельнічаў у Хацімскай бітве 1621 года. Садзейнічаў легалізацыі праваслаўнай царквы ў Рэчы Паспалітай на сойме 1632 года. Валодаў Далобрамі ў Берасцейскім ваяводствам, вуліцай у Берасці, маёнткамі на Валыні і інш. (усяго 17 гарадамі і 116 вёскамі)^[3].

Быў мецэнатам, адным з найбольш адукаваных людзей свайго часу. Належаў да кальвіністаў. Галоўную рэзідэнцыю меў ва Уладаве Берасцейскага ваяводства, дзе заснаваў кальвінскі збор са школай^[3].

Сям’я

Быў двойчы жанаты. Каля 1604 год жаніўся першы раз з Ганнай з Радзімінскіх (1586—1635), ад шлюбу з якой меў дачку і чатырох сыноў:

• Тэадора Ляшчынская, жонка графа Станіслава Губіцкага (1596—1655). У шлюбе нарадзіліся: Ганна, Ян Караль, Людовік.
• Андрэй Ляшчынскі (1606—1651), ваявода дорпацкі
• Рафал Ляшчынскі (1607—1644)
• Багуслаў Ляшчынскі (1614—1659), генеральны староста велікапольскі, падскарбі вялікі каронны і падканцлер вялікі каронны
• Уладзіслаў Ляшчынскі (пам. пасля 1661), падкаморы берасцейскі і староста дубенскі

У 1635 годзе другі раз ажаніўся з Катарынай з Пацеяў (пам. пасля 1645), у шлюбе з якой дзяцей не меў.

Зноскі

1. Pas L. v. Rafal Leszczynski // Genealogics — 2003.

   <a href='https://wikidata.org/wiki/Track:Q19847329'></a><a href='https://wikidata.org/wiki/Track:Q19847326'></a>
2. Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 403.

   <a href='https://wikidata.org/wiki/Track:Q125352562'></a>
3. Ляшчынскія // Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — 696 с. — ISBN 978-985-11-0487-7 (т. 3), ISBN 985-11-0315-2.