Роза Іосіфаўна Ганчарова

Роза Іосіфаўна Ганчарова (нар. 10 сакавіка 1938, Орша, Віцебская вобласць) — беларускі вучоны ў галіне генетыкі. Доктар біялагічных навук (1991). прафесар^[2]. З’яўляецца членам бюро навуковага савета па радыебіялогіі РАН. Узнагароджана юбілейным медалём «У гонар 80-годдзя Нацыянальнай акадэміі навук Беларусі».

Роза Іосіфаўна Ганчарова
Дата нараджэння	10 сакавіка 1938(1938-03-10) (87 гадоў)
Месца нараджэння	Орша, Віцебская вобласць, Беларуская ССР, СССР
Грамадзянства	Беларусь
Род дзейнасці	вучоная
Месца працы	ІГІЦ НАНБ Інстытут біялогіі АН БССР
Навуковая ступень	доктар біялагічных навук[1] (1991)
Альма-матар	БДУ (1960)
Узнагароды	юбілейны медаль «У гонар 80-годдзя Нацыянальнай акадэміі навук Беларусі»[d]

У Вікіпедыі ёсць артыкулы пра іншых людзей з прозвішчам Ганчарова.

Біяграфія

У 1960 годзе скончыла Беларускі дзяржаўны універсітэт, атрымала размяркаванне на працу ў Інстытут біялогіі АН БССР. 3 1963 года у Інстытуце генетыкі і цыталогіі НАН Беларусі.

У 1992 годзе была абрана на пасаду загадчыка створанай лабараторыі антымутагенезу (у 2005 годзе перайменавана ў лабараторыю генетычнай бяспекі) ДНУ «Інстытут генетыкі і цыталогіі НАН Беларусі».

Навуковая дзейнасць

Аўтар навуковых прац па праблемах антымутагенезу, генетычнай таксікалогіі (мутагены навакольнага асяроддзя), радыяцыйнай генетыкі (генетычныя наступствы Чарнобыльскай катастрофы).

Мае публікацыі ў часопісах з высокім індэксам цытавання.

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-211781&strq=l_siz=20
2. Лаборатория молекулярных основ стабильности генома (нявызн.)(недаступная спасылка). Архівавана з першакрыніцы 19 ліпеня 2020. Праверана 19 ліпеня 2020.