Рота

Ро́та^[1] (ад ням.: Rotte — натоўп, атрад) — асноўнае тактычнае падраздзяленне ва ўзброеных сілах большасці дзяржаў. Уваходзяць у склад батальёнаў (палкоў) або з’яўляюцца асобнымі. Складаецца са ўзводаў розных відаў.

Абазначэнне роты NATO

Роты з’явіліся ў найміцкіх войсках Заходняй і Цэнтральнай Еўропы ў канцы XIV — пачатку XV стагоддзя і на працягу пэўнага часу былі для гэтых войскаў характэрнымі, адпавядаючы тагачасным палкам.

У залежнасці ад прызначэння роты бываюць: стралковыя (мотастралковыя), пяхотныя (мотапяхотныя), танкавыя, мінамётныя, радыётэхнічныя, інжынерна-сапёрныя, аўтамабільныя, марской пяхоты, аховы, штабныя і іншыя^[2].