Руслан Пятровіч Вашкевіч

Руслан Пятровіч Вашкевіч (нар. 12 лютага 1966, г. Мінск) — беларускі мастак, жывапісец, скульптар, канцэптуальны мастак.

Руслан Пятровіч Вашкевіч
Дата нараджэння	12 лютага 1966(1966-02-12) (59 гадоў)
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	мастак, скульптар, мастак-канцэптуаліст
Жанр	жывапіс
Вучоба	Гімназія-каледж мастацтваў імя І. В. Ахрэмчыка Беларуская акадэмія мастацтваў (1992)
Уплыў	Гаўрыла Харытонавіч Вашчанка і Уладзімір Леанідавіч Зінкевіч
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Вашкевіч.

Біяграфія

Нарадзіўся 12 лютага 1966 года ў Мінску. Скончыў Рэспубліканскую школу-інтэрнат па музыцы і выяўленчым мастацтве, а ў 1992 годзе — Беларускую акадэмію мастацтваў. Вучыўся ў Г. Вашчанкі і У. Зінкевіча^[1].

У мастацкіх выставах удзельнічае з 1985 года. Член Беларускага саюза мастакоў з 1995 года. Жыве ў Мінску^[1].

Творчасць

Працуе пераважна ў галіне жывапісу, скульптуры і канцэптуальнага мастацтва. Сярод асноўных жывапісных твораў — «Голы кароль», «Ева», «Крыжовы паход дзяцей», «Наглядальнік», «Гутаперчывы хлопчык», «Сам-насам», «Парад планет». Сярод скульптурных кампазіцый — «Шэта», «Лесвіца», «Блізняты», «Ігра ў чатыры рукі», «Second hand», «Люстэрка для скульптара»^[1].

Яго творы знаходзяцца ў Нацыянальным мастацкім музеі Беларусі^[1].