Рыгор Аляксеевіч Рапота

Рыгор Аляксеевіч Рапота (нар. 5 лютага 1944(1944-02-05), Масква) — расійскі дзяржаўны і палітычны дзеяч, генерал-лейтэнант запасу.

Рыгор Аляксеевіч Рапота
2-і Дзяржаўны сакратар Саюзнай дзяржавы 15 снежня 2011[1] — 19 сакавіка 2021
Папярэднік	Павел Барадзін
Пераемнік	Дзмітрый Мезенцаў
3-і Паўнамоцны прадстаўнік Прэзідэнта Расійскай Федэрацыі ў Прыволжскай Федэральнай акрузе 14 мая 2008 — 14 снежня 2011[2]
Прэзідэнт	Дзмітрый Анатольевіч Мядзведзеў
Папярэднік	Аляксандр Уладзіміравіч Канавалаў
Пераемнік	Міхаіл Віктаравіч Бабіч
4-ы Паўнамоцны прадстаўнік Прэзідэнта Расійскай Федэрацыі ў Паўднёвай Федэральнай акрузе 9 кастрычніка 2007 — 14 мая 2008
Прэзідэнт	Уладзімір Уладзіміравіч Пуцін, Дзмітрый Анатольевіч Мядзведзеў
Папярэднік	Дзмітрый Мікалаевіч Казак
Пераемнік	Уладзімір Васільевіч Усцінаў
5-ы Намеснік сакратара Савета бяспекі Расійскай Федэрацыі 21 красавіка 1998 — 27 лістапада 1998
Прэзідэнт	Барыс Мікалаевіч Ельцын
Папярэднік	Аляксандр Уладзіміравіч Агеенкаў
Пераемнік	Уладзімір Якаўлевіч Патапаў
Генеральны Сакратар Еўразійскай эканамічнай супольнасці 29 кастрычніка 2001 — 6 кастрычніка 2007
Папярэднік	пасада заснавана
Нараджэнне	5 лютага 1944(1944-02-05) (81 год) Масква, РСФСР, СССР
Партыя	Адзіная Расія
Член у	Савет Федэрацыі
Адукацыя	Маскоўскі дзяржаўны тэхнічны ўніверсітэт імя М. Э. Баўмана Акадэмія знешняй разведкі[d]
Месца працы	Савет Федэрацыі
Прыналежнасць	Расія
Званне	генерал-лейтэнант
Узнагароды
Медыяфайлы на Вікісховішчы

Біяграфія

Нарадзіўся 5 лютага 1944 года ў Маскве ў сям’і вайскоўца. Бацька — вайсковец, авіятар, маці — педагог па адукацыі, але з-за пастаянных пераездаў па службе мужа ёй давялося працаваць не толькі ў школе, але і бібліятэкарам, і ў ашчаднай касе.

Скончыў МДТУ імя Баўмана ў 1966 годзе па спецыяльнасці «Інжынер-канструктар», пасля скончыў Чырванасцяжны інстытут КДБ СССР.

З 1966 па 1990 гады працаваў у Першым галоўным упраўленні КДБ (знешняя разведка), быў у працяглых камандзіроўках у ЗША, Швецыі і Фінляндыі, у перыяд 1990—1994 гадоў — намеснік начальніка, начальнік аддзела ПДУ. З 1994 па 1998 год займаў пасаду намесніка дырэктара Службы знешняй разведкі Расіі, курыраваў партнёрскія сувязі з замежнымі спецслужбамі.

У перыяд з красавіка па лістапад 1998 года — намеснік сакратара Савета Бяспекі Расіі, з лістапада 1998 года па верасень 1999 года — генеральны дырэктар дзяржаўнай кампаніі «Расузбраенне». З верасня 1999 года па май 2000 года — першы намеснік Міністра гандлю Расіі, займаўся ваенна-тэхнічным супрацоўніцтвам. У перыяд з чэрвеня 2000 па кастрычнік 2001 — першы намеснік Міністра навукі, прамысловасці і тэхналогій Расіі. З кастрычніка 2001 года па кастрычнік 2007 года — генеральны сакратар Еўразійскай эканамічнай супольнасці.

9 кастрычніка 2007 года прызначаны паўнамоцным прадстаўніком Прэзідэнта Расійскай Федэрацыі ў Паўднёвай Федэральнай акрузе, а з 14 мая 2008 года — паўнамоцны прадстаўнік Прэзідэнта Расійскай Федэрацыі ў Прыволжскай Федэральнай акрузе. 25 лістапада 2011 года прызначаны на пасаду Дзяржаўнага сакратара Саюзнай дзяржавы, да выканання абавязкаў прыступіў з 15 снежня гэтага ж года.

19 сакавіка 2021 года Аляксандр Лукашэнка вызваліў Рапоту з пасады Дзяржаўнага сакратара Саюзнай дзяржавы^[3].

22 сакавіка 2021 года губернатар Курскай вобласці Раман Старавойт на штотыднёвай нарадзе прадставіў Рыгора Рапоту прадстаўніком рэгіёна ў Савеце Федэрацыі^[4], ён заняў крэсла Аляксандра Міхайлава, які сканаў у снежні 2020 года.

Узнагароды і званні

• Ордэн Чырвонай Зоркі
• Ордэн Пашаны (Расія) (30 чэрвеня 2005)
• Ордэн Дружбы народаў (Беларусь) (8 снежня 2009)
• Ганаровы прафесар Беларускага нацыянальнага тэхнічнага ўніверсітэта (10 снежня 2020) ^[5]
• Ордэн Пашаны (Беларусь) (16 лютага 2021)^[6]