Само

Само́ (? — 658) — славянскі ўладар (623—658), заснавальнік першага вядомага палітычнага аб’яднання заходніх і часткі паўднёвых славян, г. зв. дзяржавы Само (тэрыторыя сучасных Чэхіі, Маравіі, землі лужыцкіх сербаў, частка зямель славенцаў і харватаў) з цэнтрам, імаверна, у Маравіі. Паводле франкскай хронікі Фрэдэгара (VII ст.), Само быў франкскім купцом, што аспрэчваецца многімі гісторыкамі, якія лічаць яго славянінам. Уладаром стаў у 623 годзе, калі ўзначаліў паўстанне славян супраць улады авараў. Пазней паспяхова ваяваў з аварамі і франкамі. Пасля смерці Само яго дзяржава распалася.

Само — кароль славян (Rex Sclavorum), выява ў Зноемскай ратондзе (1019—1034).
Здымак ва ўльтрафіялетавым святле Францішка Сыселя і Катаржыны Дворжакавай, 1999.

Зноскі