Санкуру

Санку́ру^[1] (фр.: Sankuru) — рака ў Дэмакратычнай Рэспубліцы Конга, правы прыток ракі Касаі (басейн Конга).

Санкуру
фр. Sankuru
Характарыстыка
Даўжыня	1200 км
Басейн	каля 156 000 км²
Расход вады	700—4 300 м³/с
Вадацёк
Выток
• Месцазнаходжанне	правінцыя Катанга
Вусце	Касаі
• Каардынаты	04°17′33″ пд. ш. 20°25′16″ у. д.HGЯO
Размяшчэнне
Водная сістэма	Касаі → Конга → Атлантычны акіян
Краіна	ДР Конга
вусце
Медыяфайлы на Вікісховішчы

Даўжыня ракі складае 1200^[2][3] кіламетраў. Плошча вадазбору каля 156 000^[2][3] км². Вытокі ракі знаходзяцца ў нагор’і на захадзе правінцыі Катанга. У вярхоўях да вадаспада Вольф рака называецца Лубілаш (Лубі^[2]). Працякае ў глыбокай даліне, са шматлікімі парогамі і вадаспадамі. Даліна пашыраецца ніжэй вадаспада Вольф. Упадае ў Касаі каля горада Бена-бэнда. Расход вады ў вусці ад 700 да 4300 м³/с (сярэдні гадавы — 2 500 м³/с). Паводкі ў перыяд дажджоў, з верасня па красавік. Суднаходная прыкладна на 580 км ад вусця да горада Паніа-Мутомба^[3]. Мае шэраг прытокаў. На рацэ ГЭС.

Зноскі

1. БелЭн 2002.
2. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 368. — 538 с. — 100 000 экз. (руск.)
3. Африка: энциклопедический справочник. Т. 2. Л—Я / Гл. ред. А. Громыко. Ред. колл. В. М. Власов, Н. И. Гаврилов и др. — М.: Советская энциклопедия, 1987. — С. 330. — 671 с. с илл.