Саха (часопіс)

У паняцця ёсць і іншыя значэнні, гл. Саха (значэнні).

«Саха́» — часопіс сельскагаспадарчай тэматыкі, дэмакратычнага кірунку.

«Саха»
Тып	часопіс
Рэдактар	Аляксандр Мікітавіч Уласаў і Мікола Ільяшэвіч
Заснавана	красавік 1912
Спыненне публікацый	жнівень 1931
Мова	беларуская
Галоўны офіс	Вільня Менск
Медыяфайлы на Вікісховішчы

Гісторыя

Выходзіў на беларускай мове, у Вільні (красавік 1912 — кастрычнік 1913), у Мінску (лістапад 1913 — студзень 1915). На 27-м нумары выхад спынены ў сувязі з Першай сусветнай вайной. Таксама 2 нумары былі выдадзены Саюзам сельскагаспадарчай кааперацыі Беларусі ў Мінску (красавік 1920 — май 1920). У далейшым выходзіў у Вільні (сакавік 1927 — жнівень 1931), выйшаў 41 нумар. Усяго выйшла 70 нумароў.

Тэматыка і змест

На старонках «Сахі» прапагандаваліся прагрэсіўныя метады апрацоўкі зямлі, палепшаныя гатункі насення, шматпольная сістэма севазвароту. Часопіс арыентаваў на спецыялізацыю гаспадаркі, развіццё жывёлагадоўлі, пісаў пра розныя аспекты садоўніцтва, агародніцтва, бортніцтва^[1], даваў гаспадарчыя парады.

Друкаваліся У. Павалковіч, Зоська Верас, М. Манцэвіч і іншыя.

Рэдактары

• А. Уласаў (1912—1915, 1920, 1928—1929);
• У. Павалковіч (1927);
• М. Ільяшэвіч (1930—1931).