Святая крыніца (Будзішча)

Святая крыніца — крыніца ў вёсцы Будзішча Чачэрскага раёна Гомельскай вобласці. Мае статус гідралагічнага помніка прыроды мясцовага значэння.

Святая крыніца
Размяшчэнне	Беларусь

Апісанне

Размешчана ў паўночнай частцы вёскі, на правым беразе ручая. Уяўляе сабой невялікае возера з б’ючым ключом. Берагі ўмацаваны драўляным зрубам. Вада з крыніцы паступае ў два басейны: адзін для набору вады, другі — для мыцця.

Тэхнічныя характарыстыкі^[1]:

• Дэбіт: 90 л/хв.
• Якасць вады: здавальняючая.

Гісторыя і значэнне

Крыніца шануецца мясцовымі жыхарамі як святая. Паводле павер’я, калі чалавек прыходзіць да крыніцы са злымі намерамі, вада ў ёй чарнее^[1].

Існуе гісторыя пра японскага навукоўца, які вывучаў наступствы чарнобыльскай катастрофы і завяшчаў развеяць свой прах над гэтай крыніцай, што і было выканана яго сваякамі^[1].

У сувязі з перыядычнымі праблемамі з вадаправодам у вёсцы, крыніца з’яўляецца важнай крыніцай пітной і гаспадарчай вады для нешматлікіх жыхароў Будзішча.

Галерэя

• 
  Агульны выгляд на змярканні.
• 
  Празрыстая вада дазваляе разглядзець пясчанае дно і ключы, з якіх б'е вада.
• 
  Месца пераліву вады са зруба ў ручай.
• 
  Ахвярныя рушнікі, павязаныя на слупе.
• 
  Фрагмент зруба з кубкамі для піцця і канструкцыяй вадаспуску.
• 
  Культавы драўляны крыж з стрэшкай ды рушнікамі ў змярканні.
• 
  Дно і ключы ў ранішнім святле.