Царква ў гонар Раства Іаана Прадцечы (Пранчакі)

У паняцця ёсць і іншыя значэнні, гл. Свята-Іаана-Прадцечанская царква.

Свята-Іаана-Прадцечанская царква — мураваны праваслаўны храм у вёсцы Пранчакі Ляхавіцкага раёна Брэсцкай вобласці. Знаходзіцца на вуліцы Садовай, 20^[1].

Праваслаўны храм
Свята-Іаана-Прадцечанская царква
53°07′08″ пн. ш. 26°17′00″ у. д.HGЯO
Краіна	Беларусь
Вёска	Пранчакі
Канфесія	Праваслаўе
Епархія	Пінская і Лунінецкая епархія
Будаўніцтва	2000—2004 гады
Стан	дзейнічае

Гісторыя

У 1998 годзе Брэсцкім аблвыканкамам была зарэгістравана праваслаўная абшчына. У кастрычніку 2000 года па блаславенні высокапраасвяшчэннейшага Стэфана, архіепіскапа Пінскага і Лунінецкага, благачынным Ляхавіцкай акругі было асвечана месца і закладзены камень пад будаўніцтва царквы ў гонар Раства Іаана Прадцечы на мяжы вёсак Навасёлкі і Пранчакі.

30 кастрычніка 2004 года архіепіскапам Пінскім і Лунінецкім Стэфанам храм быў асвечаны.

Настаяцелем царквы ў гонар Раства Іаана Прадцечы прызначаны іерэй Сяргей Кузняцоў^[2].

Зноскі

1. Прончаки. Церковь Рождества Иоанна Предтечи
2. Царква ў гонар Раства Іаана Прадцечы