Свята-Аляксандра-Неўская царква (Лышча)

Свята-Аляксандра-Неўская царква — драўляны праваслаўны храм у в. Лышча Пінскага раёна Брэсцкай вобласці.

Праваслаўны храм
Свята-Аляксандра-Неўская царква
52°21′47″ пн. ш. 26°08′22″ у. д.HGЯO
Краіна	Беларусь
Вёска	Лышча
Канфесія	Праваслаўе
Епархія	Пінская і Лунінецкая епархія
Дата пабудовы	1995 год
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Свята-Аляксандра-Неўская царква.

Гісторыя

У 1889 годзе была пабудавана і асвячона першая вядомая царква. У 1962 годзе храм быў разбураны.

Новазбудаваны храм быў узведзены ў 1995 годзе. 22 чэрвеня таго ж года адбылося яго асвячэнне^[1].

Архітэктура

Пабудавана з дрэва ў традыцыях царкоўнага дойлідства другой паловы XIX стагоддзя. Падоўжна-восевую кампазіцыю фарміруюць 3-ярусная 4-гранная званіца, кубападобны аб’ём малітоўнай залы, прамавугольная ў плане апсіда. Дынамічна нарастаючы сілуэт храма адзначаюць 3 цыбулепадобныя купалы над аб’ёмамі, узбагачае вертыкальная шалёўка фасадаў, расчлянёных прамавугольнымі аконнымі праёмамі. Тры ўваходы адзначаны ганкамі пад паўкруглымі пакрыццямі^[2].

Зноскі

1. 20. Приход храма Св. благоверного великого князя Александра Невского д. Лыще Пинского района (нявызн.)(недаступная спасылка). Архівавана з першакрыніцы 17 ліпеня 2018. Праверана 9 снежня 2019.
2. Аляксандра-Неўская царква