Свята-Андрэеўская царква (Пашукі)

Свята-Андрэеўская царква — праваслаўны храм у в. Пашукі Камянецкага раёна Брэсцкай вобласці.

Славутасць
Свята-Андрэеўская царква
52°31′22″ пн. ш. 23°50′52″ у. д.HGЯO
Краіна	Беларусь
Месцазнаходжанне	Навіцкавіцкі сельсавет
Канфесія	БПЦ
Епархія	Брэсцкая і Кобрынская епархія
Архітэктар	В. Палікарпаў
Дата пабудовы	1877 год
Медыяфайлы на Вікісховішчы

Гісторыя

На паўднёвай ускраіне вёскі. Пабудавана ў 1877 годзе з дрэва на месцы папярэдняга храма паводле праекта распрацаванага ў 1854 годзе архітэктарам В. Палікарпавым^[1].

Архітэктура

Помнік архітэктуры рэтраспектыўна-рускага стылю. Да асноўнага кубападобнага зруба, завершанага шатром з макаўкай на гранёным барабане праз трапезную далучаецца прытвор-званіца, з усходняга боку — прамавугольная апсіда з бакавымі рызніцамі. Васьмігранны ярус званіцы завершаны шатром з макаўкай, уваход у яе 1-м ярусе вылучаны ганкам пад двухсхільным казырком. Гарызантальна ашаляваныя сцены прарэзаны прамавугольнымі аконнымі праёмамі ў разных ліштвах.