Свята-Афанасьеўская капліца (Брэст)

Свята-Афанасьеўская капліца — капліца-царква на месцы гібелі Афанасія Філіповіча. Збудавана ў 1909 годзе^[1] ў вёсцы Аркадыя Брэсцкага павета (пазней увайшла ў склад горада Брэста). Размешчана ў мікрараёне Гершоны па вуліцы Свята-Афанасьеўскай 39 у Брэсце^[2].

Славутасць
Свята-Афанасьеўская капліца
52°03′24″ пн. ш. 23°41′55″ у. д.HGЯO
Краіна	Беларусь
Горад	Брэст
Месцазнаходжанне	Свята-Афанасьеўская, 39
Канфесія	праваслаўе
Епархія	Брэсцкая і Кобрынская епархія
Першая згадка	1909
Будаўніцтва	канец ХІХ – пачатак ХХ стагоддзя
Статус	дзейнічае
Матэрыял	драўляная
Медыяфайлы на Вікісховішчы

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000071

У 1960-я гады падчас антырэлігійнай кампаніі была зачынена. Працягнула дзейнасць у 1988 годзе, калі было здзейснена першае за доўгі час набажэнства, якое сабрала шмат людзей.^[3]

У 1995 годзе перабудавана, значна павялічана ў памерах.

У 1993 годзе храм наведаў кіраўнік Польскай Праваслаўнай царквы Мітрапаліт Варшаўскі і ўсяе Польшчы Васілій (Дарашкевіч).

У ліпені 1995 годзе капліцу наведаў Свяцейшы Патрыярх Маскоўскі і ўсяе Русі Аляксій II.

Пазней побач быў збудаваны мужчынскі Свята-Афанасьеўскі манастыр, да якога яна зараз адносіцца.

Галерэя

• 
  Капліца ў пачатку XX ст.