Свята-Георгіеўская царква (Вялікія Круговічы)

Свята-Георгіеўская царква — праваслаўны храм у вёсцы Вялікія Круговічы Ганцавіцкага раёна Брэсцкай вобласці. Помнік народнага дойлідства.

Праваслаўны храм
Свята-Георгіеўская царква
52°46′31″ пн. ш. 26°37′37″ у. д.HGЯO
Краіна	Беларусь
Вёска	Вялікія Круговічы
Канфесія	Праваслаўе
Епархія	Пінская і Лунінецкая епархія
Дата пабудовы	XIX стагоддзе
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Свята-Георгіеўская царква.

Гісторыя

Царква на малюнку Д. Струкава. 1864

У цэнтры вёскі. Пабудавана ў XIX стагоддзя з дрэва як прыходская^[1]. Асобна пастаўлена званіца.

Архітэктура

Свята-Георгіеўская царква са званіцай

Царква ўяўляе саобй Двухзрубны храм: асноўны кубападобны аб’ём з трохграннай апсідай і бакавымі рызніцамі. У прасторавай кампазіцыі дамінуе высокі васьмігранны барабан са шлемападобным купалам. Арачныя аконныя праёмы аформлены разнымі ліштвамі.

Інтэр’ер

Унутры апсіду вылучае двух’ярусны іканастас на 17 абразоў. Абраз XVIII стагоддзя «Маці Божая» і драўляная скульптура «Укрыжаванне».

Абразы «Марыя Егіпецкая», «Св. Іадосій Ігуменскі», «Прасвятая Багародзіца» і царскія вароты з іконамі «архангел Гаўрыіл», «Прасвятая Багародзіца», «Св.апосталы Мацвей і Марк», «Св.апосталы Лука і Іаан», «Успенне Прасвятой Багародзіцы», «Св. Мікалай Цудатворац» XIX стагоддзя —  Гісторыка-культурная каштоўнасць Беларусі, шыфр 123Ж000006шыфр 123Ж000006

Зноскі

1. Описание церквей и приходов Минской епархии. Слуцкий уезд. Мн., 1897. С. 142.