Свята-Крыжаўзвіжанская царква (Каралёў Стан)

Свята-Крыжаўзвіжанская царква — драўляны праваслаўны храм у вёсцы Каралёвым Стане Мінскага раёна Мінскай вобласці. Знаходзіцца на зав. Васкрасенскі, 1^[1].

Славутасць
Свята-Крыжаўзвіжанская царква
53°59′07″ пн. ш. 27°47′33″ у. д.HGЯO
Краіна	Беларусь
Вёска	Каралёў Стан
Канфесія	БПЦ
Епархія	Мінская епархія
Дата пабудовы	пач. XXI ст.

У паняцця ёсць і іншыя значэнні, гл. Свята-Крыжаўзвіжанская царква.

Гісторыя

Пабудавана ў пачатку XXI ст. з дрэва на месцы храма, спаленага ў 1996 годзе. У верасні 1998 года храм наведаў свяцейшы Патрыярх Маскоўскі і ўсея Русі Аляксій ІІ.

Архітэктура

Архітэктура храма вытрымана ў стылі драўлянага дойлідства Рускай Поўначы XVII ст. Над шатровым дахам цэнтральнага кубападобнага зруба ўзведзена цыбулепадобная галоўка. Папярочны прытвор завершаны высотнай 2-яруснай каркаснай шатровай званіцай з макаўкай. Такая ж макаўка над вальмавым дахам прамавугольнай апсіды. Галоўны і бакавыя ўваходы вылучаны 2-слуповымі ганкамі пад 2-схільнымі пакрыццямі. Фігурна ашаляваныя фасады прарэзаны прамавугольнымі аконнымі праёмамі. У інтэр’еры драўляны іканастас з разнымі царскімі варотамі: на фоне трыльяжнай сеткі вылучаны круглыя абразы-тонда з выявамі евангелістаў^[2].

Зноскі

1. ХРАМ ВОЗДВИЖЕНИЯ КРЕСТА ГОСПОДНЯ В ДЕРЕВНЕ КОРОЛЕВ СТАН (нявызн.)(недаступная спасылка). Архівавана з першакрыніцы 3 лістапада 2019. Праверана 3 лістапада 2019.
2. Крыжаўзвіжанская царква