Свята-Мікалаеўская царква (Дуброўна)

Свята-Мікалаеўская царква — драўляны праваслаўны храм у горадзе Дуброўна Віцебскай вобласці^[1]. Знаходзіцца на вул. Садовая, 3. З’яўляецца адной з двух дзейных цэркваў у горадзе^[2]

Славутасць
Свята-Мікалаеўская царква
54°34′14″ пн. ш. 30°41′28″ у. д.HGЯO
Краіна	Беларусь
Горад	Дуброўна
Канфесія	БПЦ
Епархія	Віцебская і Аршанская епархія
Першае згадванне	2001
Будаўніцтва	2001—2003 гады

У паняцця ёсць і іншыя значэнні, гл. Свята-Мікалаеўская царква.

Гісторыя

Дуброўна. Карціна Лявэрнэ, 1840. Леваруч відаць мураваны касцёл, на заднім плане — драўляныя цэрквы, адна з якіх — Свята-Мікалаеўская

Барысаглебская капліца

У 1840 годзе ў горадзе існавала драўляная Свята-Мікалаеўская царква, якая не захавалася да нашых дзён^[3].

22 лістапада 2001 года была зарэгістравана парафія храма. Храм размяшчаецца ў будынку былой лабараторыі. 2 верасня 2003 года пасля перабудовы была адслужана першая літургія.

Да прыходу прыпісана Барысаглебская капліца. Капліца пабудавана ў XIX стагоддзі, рэканструявана ў 2009 годзе і знаходзіцца на вул. Першамайскай^[4]. Пробашчам храму з’яўляецца іерэй Вячаслаў Казлоў^[5].

Архітэктура

Прамавугольная ў плане адназрубная пабудова накрыта двухсхільным дахам з дабудаванай пяцісценнай апсідай. Над франтонам узвышаецца чатырох’ярусная званіца, каранаваная шатровым дахам^[6].