Свята-Міхайлаўская царква (Орша)

Свята-Міхайлаўская царква — драўляны праваслаўны храм у горадзе Орша Віцебскай вобласці. Знаходзіцца на вуліцы Савецкай, 4^[1].

Славутасць
Свята-Міхайлаўская царква
54°30′23″ пн. ш. 30°25′05″ у. д.HGЯO
Краіна	Беларусь
Горад	Орша
Канфесія	Беларуская Праваслаўная Царква
Епархія	Віцебская і Аршанская
Благачынне	Цэнтральнае благачынне горада Оршы
Дата пабудовы	1994 год
Статус	дзейная

У паняцця ёсць і іншыя значэнні, гл. Свята-Міхайлаўская царква.

Гісторыя

Пабудавана ў 1994 годзе з дрэва. З 14 лістапада 1994 года афіцыйна мае статус кафедральнага сабора Оршы. У 2018 годзе перавезена ў раён мясакамбіната.

Архітэктура

Вырашана ў стылізаваных формах драўлянага дойлідства Рускай Поўначы XVII стагоддзя. Уяўляе сабой квадратны ў плане 2-ярусны зруб, 4-схільны пакаты дах якога завершаны цыбулепадобнай галоўкай з лемехавым пакрыццём на цыліндрычным барабане. Уздоўж фасада створана слупавая паперць-гульбішча з разной балюстрадай. Сцены зруба прарэзаны прамавугольнымі аконнымі праёмамі^[2].

Зноскі

1. Храм святого Архангела Михаила г. Орши
2. Міхайлаўская царква Архівавана 31 снежня 2022.