Свята-Пакроўская царква (Хойнікі)

Свята-Пакроўская царква — мураваны праваслаўны храм у горадзе Хойнікі Гомельскай вобласці. Знаходзіцца на вул. Сялянская, 163.

Славутасць
Свята-Пакроўская царква
51°54′26″ пн. ш. 29°58′30″ у. д.HGЯO
Краіна	Беларусь
Горад	Хойнікі
Канфесія	БПЦ
Епархія	Тураўская епархія
Будаўніцтва	1988—1989 гады

Гісторыя

Храм узведзены ў 1988—1989 гадах. У 1992 годзе пры храме быў заснаваны манастыр.

Архітэктура

Царква вырашана складанай аб’ёмна-прасторавай кампазіцыяй — працяглы аб’ём малітоўнай залы пераходзіць у акруглую апсіду, з франтальнага боку фланкіраваны 2 шмат’яруснымі 4-граннымі шатровымі вежамі. Асноўны аб’ём перакрыжаваны трансептам, у сяродкрыжжы ўзведзены магутны чацвярык, над якім 8-гранны драўляны барабан пад сферычным купальным пакрыццём. Над цэнтральным франтонам, шатрамі вежаў, 2-схільнымі дашкамі трансепта, купалам барабана, вальмавым дахам апсіды — макаўкамі, што фарміруюць стракаты сілуэт будынка. Пластыку фасадам надаюць буйныя лішвы арачных аконных праёмаў. Малітоўная зала перакрыта цыліндрычным скляпеннем з мастацкай размалёўкай, апсіда вылучана драўляным іканастасам^[1].

Зноскі

1. Пакроўская царква