Свята-Пакроўская царква (Хоцімск)

Свя́та-Пакро́ўская царква́ — драўляны праваслаўны храм у гарадскім пасёлку Хоцімску Магілёўскай вобласці. Знаходзіцца на вуліцы Першамайскай, на могілках.

Праваслаўны храм
Свята-Пакроўская царква
53°24′23,80″ пн. ш. 32°35′28,60″ у. д.HGЯO
Краіна	Беларусь
Гарадскі пасёлак	Хоцімск
Канфесія	Праваслаўе
Епархія	Магілёўская і Мсціслаўская
Благачынне	Клімавіцкае
Архітэктурны стыль	народнае дойлідства
Дата пабудовы	1892 год
Статус	Гісторыка-культурная каштоўнасць Беларусі, шыфр 513Г000540шыфр 513Г000540
Стан	дзейнічае
Медыяфайлы на Вікісховішчы

У паняцця ёсць і іншыя значэнні, гл. Свята-Пакроўская царква.

Гісторыя

Пабудавана ў 1892 годзе з дрэва як могілкавая капліца. У савецкія часы царква была адзінай дзеючай у Хоцімску. У 1969 годзе да храма былі дабудаваны алтар і прытвор са званіцай^[1].

Настаяцелем царквы з 1958 года быў іерэй Кірыл Бадзіч, у цяперашні час гэтую пасаду займае іерэй Павел Сыцэвіч.

Архітэктура

Помнік народнага дойлідства. Вырашана працяглым прамавугольным зрубам, да якога далучаны квадратныя ў плане прытвор і апсіда. Дах над асноўным зрубам завершаны васьмігранным светлавым барабанам, прытвор — 1-яруснай чацверыковай шатровай званіцай з макаўкай. Гарызантальна ашаляваныя сцены расчлянёны прамавугольнымі аконнымі праёмамі, аздоблены ліштвамі з сандрыкамі. У дэкоры выкарыстана разьба па дрэве. Малітоўная зала двухсветлавая, перакрыта плоскай столлю, прасценкам вылучаны бабінец.

Зноскі

1. Климовичское благочиние