Свята-Параскева-Пятніцкая царква (Лепель)

Свята-Параскева-Пятніцкая царква — праваслаўная царква. Знаходзіцца на вул. Валадарскага ў горадзе Лепель.

Праваслаўная царква
Свята-Параскева-Пятніцкая царква
54°53′12,18″ пн. ш. 28°41′01,76″ у. д.HGЯO
Краіна	Беларусь
Горад	Лепель
Канфесія	Беларуская праваслаўная царква
Епархія	Віцебская і Аршанская епархія
Будаўніцтва	1841—1844 гады

У паняцця ёсць і іншыя значэнні, гл. Свята-Параскева-Пятніцкая царква.

Гісторыя

Пабудавана як сабор у 1841–44 гг. з дрэва на месцы царквы, узведзенай падканцлерам Вялікага Княства Літоўскага Львом Сапегам у 1586 г. пры заснаванні мястэчка Новы Лепель. Перабудавана ў пачатку 20 ст.

Архітэктура

Помнік народнага дойлідства. Храм атрымаў арыгінальную аб'ёмна-прасторавую кампазіцыю – уздоўж падоўжнай планіровачнай восі размешчаны: нізкі прамавугольны прытвор пад 2-схільным дахам, больш высокі бабінец, над якім надбудавана 1-ярусная чацверыковая званіца з макаўкай, прамавугольная малітоўная зала пад 2-схільным дахам, прамавугольная апсіда, над якой надбудаваны 8-гранны шатровы барабан з цыбулепадобным купалам. Сцены фігурна ашаляваны, прарэзаны квадратнымі, прамавугольнымі і гарызантальна выцягнутымі аконнымі праёмамі.

Інтэр'ер

Абразы: «Маці Божая Смаленская» (18 ст.), «Апосталы Пётр і Павел» (1-я палавіна 19 ст.).

Літаратура

• Царква ў імя святой велікамучаніцы Параскевы Пятніцы // Кулагін, А.М. Праваслаўныя храмы Беларусі : энцыклапедычны даведнік / А.М. Кулагін. – Мн., 2007. – С. 225.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000482

• Свята-Параскева-Пятніцкая царква (Лепель) на сайце Праваслаўная архітэктура Беларусі (бел.)
• Свята-Параскева-Пятніцкая царква (Лепель) на сайце Radzima.org
• Свята-Параскева-Пятніцкая царква (Лепель) на сайце Глобус Беларусі (руск.)
• Свята-Параскева-Пятніцкая царква (Лепель) на сайце «Архіварта»