Свята-Петра-Паўлаўская царква (Вераскава)

Царква ў імя святых апосталаў Пятра і Паўла — праваслаўны храм у в. Вераскава Навагрудскага раёна.

Праваслаўны храм
Свята-Петра-Паўлаўская царква
53°45′50″ пн. ш. 25°54′09″ у. д.HGЯO
Краіна	Беларусь
Вёска	Вераскава
Канфесія	Беларуская праваслаўная царква
Епархія	Гродзенская і Слонімская
Дата пабудовы	XIX стагоддзе

У паняцця ёсць і іншыя значэнні, гл. Свята-Петра-Паўлаўская царква.

Гісторыя

Пабудавана ў 2-й палавіне XIX стагоддзя з бутавага каменю. Прыпісная да Свята-Раства-Багародзіцкай царквы в. Поўбераг Навагрудскага раёна.

Архітэктура

Кампактны храм вырашаны прамавугольным аб'мам з паўкруглай апсідай, 2-схільны дах над якой праз тохвугольныя застрэшкі пераходзіць ў вальмавы; па цэнтры канька — макаўка. Сцены адкрытай бутавай муроўкі прарэзаны прамавугольнымі аконнымі праёмамі, акантаваны атынкаванымі лапаткамі. Да фасада прыбудаваны драўляны прытвор.

Літаратура

• Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.

Спасылкі

• Свята-Петра-Паўлаўская царква (Вераскава) на сайце Праваслаўная архітэктура Беларусі (бел.)
• Свята-Петра-Паўлаўская царква (Вераскава) на сайце Radzima.org
• Свята-Петра-Паўлаўская царква (Вераскава) на сайце Глобус Беларусі (руск.)