Свята-Успенская царква (Буеўшчына)

Свята-Успенская царква — стараверскі храм в. Буеўшчына Браслаўскага раёна. Твор народнага дойлідства. Размешчана на ўскраіне вёскі. Пабудавана ў 1939 г. з пясчана-вапнавых блокаў як стараверская. Адноўлена ў 1980-я гг.

Праваслаўны храм
Свята-Успенская царква
55°35′24,6″ пн. ш. 27°14′08,83″ у. д.HGЯO
Краіна	Беларусь
Вёска	Буеўшчына
Канфесія	Стараверская царква
Архітэктурны стыль	беларускае народнае дойлідства
Дата пабудовы	1939 год

Архітэктура

Вырашана прамавугольным у плане аб'ёмам пад двухсхільным дахам, завершаным на фасадзе васьміграннай шатровай званіцай з цыбулепадобнай галоўкай, над алтарнай часткай — такім жа купалком на 8-гранным барабане. Фасады расчлянёны прамавугольнымі аконнымі праёмамі, аб'яднанымі цагляным поясам, які падзяляе будынак на 2 ярусы, вылучаныя разнастойнай муроўкай. Уваход адзначаны двухслуповым ганкам пад двухсхільным пакрыццём. Малітоўная зала перакрыта плоскай драўлянай столлю, на алтарнай сцяне стараверскі іканастас.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

• Свята-Успенская царква (Буеўшчына) на сайце Глобус Беларусі (руск.)