Свята-Успенская царква (Масцішча)

Свята-Успенская царква — праваслаўны храм у в. Масцішча Валожынскага раёна Мінскай вобласці.

Славутасць
Свята-Успенская царква
54°09′29″ пн. ш. 26°03′23″ у. д.HGЯO
Краіна	Беларусь
Месцазнаходжанне	Масцішча
Канфесія	стараверства
Архітэктурны стыль	беларускае народнае дойлідства
Дата пабудовы	1935 год

Гісторыя

Пабудавана ў 1935 г. з дрэва як стараабрадніцкая.

Архітэктура

Твор народнага драўлянага дойлідства. Вырашана прамавугольным у плане зрубам пад двухсхільным дахам з паўвальмай над алтарнай часткай, завершанай цыбулепадобнай галоўкай на чатырохгранным барабане. Да фасада прыбудаваны кароткі прытвор, над якім узведзена трох’ярусная чатырохгранная званіца, завершаная гранёным цыбулепадобным купалам. Бакавыя гарызантальна ашаляваныя фасады рытмічна расчлянёны прамавугольнымі аконнымі праёмамі і бусамі-сцяжкамі ў прасценках. Вертыкальнай шалёўкай вылучаны цокальныя і фрызавыя часткі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Успенская царква (Масцішча) на сайце Глобус Беларусі (руск.)
• Свята-Успенская царква (Масцішча) на сайце Radzima.org