Свята-Успенская царква (Рэчыца)

Свята-Успенская царква — праваслаўны храм у в. Рэчыца Камянецкага раёна Брэсцкай вобласці.

Славутасць
Свята-Успенская царква
52°23′34″ пн. ш. 24°00′19″ у. д.HGЯO
Краіна	Беларусь
Вёска	Рэчыцкі сельсавет
Канфесія	БПЦ
Епархія	Брэсцкая і Кобрынская епархія
Архітэктурны стыль	псеўдарускі стыль
Дата пабудовы	1873 год

Не блытаць з Успенскі сабор, Рэчыца.

Гісторыя

У цэнтры вёскі. Пабудавана ў 1873 годзе з цэглы^[1].

Архітэктура

Помнік архітэктуры сінадальнага напрамку рэтраспектыўна-рускага стылю. У сілуэце дамінуе шацёр трох’яруснай званіцы (2 васьмерыкі на чацверыку). Праз шырокую трапезную яна злучана з кубападобным аб’ёмам храма, чатырохсхільны дах якога завершаны цыбулепадобным купалам на васьмігранным барабане. Галоўны ўваход вырашаны вялікім і глыбокім арачным парталам. Атынкаваныя фасады расчлянёны арачнымі аконнымі праёмамі ў прафіляваных ліштвах, крапаваны шырокімі вуглавымі лапаткамі. Паўкруглая апсіда вылучана драўляным іканастасам.

Зноскі

1. НГАБ у г. Гродна, ф. 97, воп.1, спр. 17; ф. 31, воп.3, спр. 366; воп. 1, спр. 21.