Свінка Пэпа

«Свінка Пэпа» (англ.: Peppa Pig) — брытанскі мультсерыял, які складаецца з кароткіх мультфільмаў па 5 хвілін.

Свінка Пэпа
англ.: Peppa Pig
Тып	мультыплікацыйны серыял[d]
Жанр	дзіцячы тэлевізійны серыял[d], камедыйны тэлесерыял[d] і educational television[d]
Стваральнік	Neville Astley[d][1] і Mark Baker[d][1]
Ролі агучвалі	Lily Snowden-Fine[d][2], Cecily Bloom[d][2], Harley Bird[d][1], Amelie Bea Smith[d][1], Morwenna Banks[d][2], Richard Ridings[d][3], Alice May[d][2], Oliver May[d][2], David Graham[d][4] і John Sparkes[d][2]
Кампазітар	Джуліян Нот[d]
Студыя	Astley Baker Davies Ltd, The Elf Factory (5 сезон)
Краіна	Вялікабрытанія
Лік сезонаў	5
Лік серый	287
Тэлеканал	Channel 5[d], Nick Jr. Channel[d] і MediaCorp Channel 5[d]
IMDb	ID 0426769
peppapig.com peppapig.co.uk

Галоўныя героі серыяла: Свінка Пэпа, яе малодшы брат Джордж, Мама Свінка і Тата Свінка. Сталымі персанажамі таксама з’яўляюцца Бабуля Свінка і Дзядуля Свінка, а таксама сябры Пэпы, Джорджа і іх бацькі.

Быў паказаны па тэлебачанні больш чым у 180 краінах^[5] і перакладзены на 40 моў.

Пра серыял

Героі мультфільма валодаюць часткова якасцямі людзей, часткова якасцямі жывёл. Яны носяць адзенне, жывуць у дамах, ездзяць на машынах, ходзяць у госці. Дзеці гуляюць у чалавечыя гульні, бацькі ходзяць на працу.

Асноўныя персанажы

Свінка Пэпа — дзяўчынка, старэйшая ў сям’і, ёй споўнілася 5 год. Як і ўсё, вельмі любіць скакаць па лужынах. Любіць гуляць з сябрамі на вуліцы і ў дзіцячым садку. Часта высмейвае лішнюю вагу Таты Свінкі. Па характары з’яўляецца ўласніцай. Эгаістычная і часам ганарыстая. Але пры гэтым вельмі любіць весяліцца і добра праводзіць час. Пэпе, як і Джорджу, падабаецца камп’ютарная гульня «Вясёлая курачка». Лепшая сяброўка Пэпы — Авечка С’юзі. Мае залатую рыбку з імем Голдзі.

Джордж — малодшы брат Пэпы, яму спаўняецца 3 гады. Ён сам ходзіць, але прамаўляе толькі асобныя словы. Вельмі любіць дыназаўраў, маленькі дыназаўр з імем Спадар Дыназаўр — яго любімая цацка. Любіць гуляць з Пэпай, чым часам назаляе ёй. Калі хтосьці выпадкова пакрыўдзіць Джорджа, ён пачынае плакаць. Трохі прагны і па характары з’яўляецца ўласнікам. Калі Пэпа пакрыўдзілася на яго, ён хіхікае. Джорджу, як і Пэпе, падабаецца камп’ютарная гульня «Вясёлая курачка». Лепшы сябар Джорджа — Трусік Рычард.

Мама Свінка — добрая і клапатлівая, любіць праводзіць час з сям’ёй. Працуе дома, друкуючы тэксты на камп’ютары. Любіць гатаваць і мае добрае пачуццё гумару. Ёй 33 гады.

Тата Свінка — носіць акуляры. Ходзіць на працу ў будаўнічую кампанію. Не любіць, калі жартуюць над яго вялікім пузам. Таксама валодае добрым пачуццём гумару. Не вельмі ладзіць з прыладамі. Любіць падарожнічаць разам з сям’ёй, аднак дрэнна чытае карты. Вельмі любіць даказваць сваё майстэрства, што часта абарочваецца няўдачай. Яму 34 гады.

Беларуская агучка

У межах беларускага праекта Кінаконг^[6] ствараюцца агучкі серый. Першая ўбачыла свет 20 мая 2015.

Зноскі

1. White P. ‘Peppa Pig’: Amelie Bea Smith To Voice Animated Kids’ Character, Takes Over From Harley Bird — 2020.

   <a href='https://wikidata.org/wiki/Track:Q4037100'></a>
2. Pemberton B. Who is the voice of Peppa Pig, when did Harley Bird take over from Cecily Bloom and Lily Snowden-Fine and who else voices characters? — News Corp, 2018. — ed. size: 2806746 — ISSN 0307-2681 Праверана 20 мая 2020.

   <a href='https://wikidata.org/wiki/Track:Q14289857'></a><a href='https://wikidata.org/wiki/Track:Q208875'></a>
3. http://web.archive.org/web/20200519154819/https://peppapigworld.co.uk/pages/daddy-pig Праверана 19 мая 2020.
4. http://web.archive.org/web/20200519182528/https://peppapigworld.co.uk/pages/grandpa-pig Праверана 19 мая 2020.
5. Peppa Pig withdrawn from Labour party election event. BBC News(англ.). 27 красавіка 2010. Праверана 10 красавіка 2012.
6. Свінка Пэпа па-беларуску