Тыранскі сельскагаспадарчы ўніверсітэт

Тыранскі сельскагаспадарчы ўніверсітэт (алб. Universiteti Bujqësor и Tiranës) — дзяржаўны універсітэт, які знаходзіцца ў Тыране, Албанія. Займаецца падрыхтоўкай спецыялістаў па аграноміі, ветэрынарыі, лясной гаспадарцы, экалогіі, аграбізнесе.

Тыранскі сельскагаспадарчы ўніверсітэт
Галоўны корпус ўніверсітэта ў Камезе, Тырана, Албанія
Заснаваны	1951
Краіна	Албанія
Размяшчэнне	Тырана
Сайт	ubt.edu.al

Гісторыя

Універсітэт быў створаны ў 1951 годзе. Спачатку ён атрымаў назву «Вышэйшы інстытут сельскай гаспадаркі» (алб. Instituti i Lartë Bujqësor). Сучасную назву ён атрымаў у 1991 годзе.^[1]

Сёння гэта ўнікальны ў Албаніі цэнтр для студэнтаў і аспірантаў, для навуковых даследаванняў, навучання і павышэння кваліфікацыі ў галіне сельскай гаспадаркі і харчавання (аграномія, садоўніцтва і абарона раслін, аграпрамысловы бізнес, эканоміка і аграрная палітыка, аграэкалогія і экалогія, агра-харчовыя тэхналогіі, жывёлагадоўля, аквакультура і рыбалоўства, лясная інжынерыя, ветэрынарыя і г.д.)^[2]

Навукоўцы і студэнты

Навучаецца каля 15 000 студэнтаў. Фактычны выкладчыцкі склад складаецца з 55 прафесараў, 48 дацэнтаў, 55 дактароў, 13 педагогаў-выкладчыкаў і 64 асістэнтаў.^[2]

Факультэты

Універсітэт уключае наступныя факультэты:

• Факультэт сельскай гаспадаркі і аховы навакольнага асяроддзя («Fakulteti i Bujqësisë dhe Mjedisit»)
• Факультэт эканомікі і аграбізнесу («Fakulteti i Ekonomisë dhe Agrobiznesit»)
• Факультэт лясных навук («Fakulteti i Shkencave Pyjore»)
• Факультэт ветэрынарнай медыцыны («Fakulteti i Mjekësisë Veterinare»)
• Факультэт біятэхналогій і харчовых прадуктаў («Fakulteti i Bioteknologjisë dhe Ushqimit»)^[2]

Зноскі

1. Arsimi në Shqipëri
2. Archived copy (нявызн.)(недаступная спасылка). Архівавана з першакрыніцы 16 верасня 2016. Праверана 28 красавіка 2021.