Смаленскія праваслаўныя могілкі (Санкт-Пецярбург)

Смаленскія праваслаўныя могілкі — месца пахавання хрысціян праваслаўнага веравызнання ў заходняй частцы Санкт-Пецярбурга, на Васільеўскім востраве. Размяшчаюцца на ўчастку плошчай 51,7 га, абмежаванай: з поўначы — левым берагам ракі Смаленка і далей Бекетаўскай вуліцай да вуліцы Берынга; з поўдня — Малым праспектам; з усходу — участкам, прылеглым да храма Уваскрэсення Хрыстова, комплексам багадзельняў і прамысловым прадпрыемствам да Малога праспекта; з захаду — вуліцай Берынга. Заснавана духоўнай уладай — Св. Сінодам у 1738 годзе і свецкай уладай — указам Сената ў 1756 годзе. На другім беразе Смаленкі, на востраве Дзекабрыстаў размешчаны Смаленскія брацкія (блакадныя) могілкі «Востраў Дзекабрыстаў», Смаленскія лютэранскія, названыя ў XVIII і 1-й палове XIX стагоддзя Нямецкімі, і Смаленскія армянскія могілкі. Па аналогіі з імі Смаленскія праваслаўныя могілкі ў той жа перыяд называлі Рускімі.

Смаленскія праваслаўныя могілкі?
59°56′36″ пн. ш. 30°14′55″ у. д.HGЯO
Размяшчэнне
Гісторыя
Дата заснавання	1738 і 1756
Першая згадка	1738
Плошча	51,7 га
Медыяфайлы на Вікісховішчы